മികച്ച രീതിയിൽ തനിക്കെതിരായ ട്രോളുകൾ രസിക്കാനും വേണ്ടി വന്നാൽ അതിന് മറുപടി നൽകാനും മടിക്കാത്ത ഒരു ചലച്ചിത്ര താരമാണ് അഭിഷേക് ബച്ചൻ. അങ്ങനെ ഒരു ട്രോളിന്‌ അഭിഷേക് ബച്ചൻ നൽകിയ ഒരു മറുപടിയാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്.

“അർഹതയില്ലാത്ത സുന്ദരിയായ ഭാര്യ” ഉള്ള “ഒന്നിനും കൊള്ളാത്ത” നടൻ എന്ന് അഭിസംബോധന ചെയ്‌ത ട്രോളിനാണ് താരം മറുപടി നൽകിയിരിക്കുന്നത്. വളരെ രൂക്ഷമായ ഭാഷയിലാണ് താരം ട്രോളിനു മറുപടി നൽകിയിരിക്കുന്നത്.

തന്റെ പുതിയ ചിത്രമായ ദി ബിഗ് ബുളിന്റെ റിലീസിനായി കാത്തിരിപ്പിലാണ് അഭിഷേക് ബച്ചൻ. ഈ ചിത്രത്തിന്റെ ട്രെയിലർ അഭിഷേക് ബച്ചൻ തന്റെ സോഷ്യൽ മീഡിയ അക്കൗണ്ടിൽ പങ്കുവച്ചിരുന്നു. അഭിഷേക് ബച്ചന്റെ ഈ പോസ്റ്റിനു താഴെയാണ് ഒരാൾ മോശമായ കമന്റ് പോസ്റ്റ് ചെയ്‌തത്‌. “നിങ്ങൾ ഒന്നിനും കൊള്ളാത്ത ആളാണ്… വളരെ സുന്ദരിയായ ഒരു ഭാര്യയെ ലഭിച്ചു എന്നതാണ് നിങ്ങളിൽ അസൂയ തോന്നാനുള്ള ഒരേയൊരു കാരണം.’ എന്നായിരുന്നു കമന്റ്.

‘ശരി, താങ്കളുടെ അഭിപ്രായത്തിന് നന്ദി. അറിയാനുള്ള ആകാംക്ഷകൊണ്ട് ചോദിക്കുകയാണ്. ഇക്കാര്യം നിരവധി പേരെ ടാഗ് ചെയ്തിട്ടുള്ളതിനാൽ നിങ്ങൾ ആരെയാണ് ഉദ്ദേശിച്ചതെന്ന് മനസ്സിലായില്ല. ഇലിയാനയും നിക്കിയും വിവാഹിതരല്ലെന്ന് എനിക്കറിയാം. ബാക്കിയുള്ളവർ അവരുടെതായ ജീവിതവുമായി സമാധാനത്തോടെ ജീവിക്കുകയാണ്. ഇനി ഡിസ്നിയുടെയും ഹോട്ട്സ്റ്റാറിന്റെയും വിവാഹ ബന്ധത്തെ കുറിച്ചും നിങ്ങൾക്കറിയുമായിരിക്കും.’ -എന്നാണ് ഇതിനു മറുപടിയായി അഭിഷേക് കമന്റ് ചെയ്‌തു.

പരിഹാസത്തോടെയുള്ള അഭിഷേകിന്റെ ഈ കമന്റ് വൈറലായതോടെ കമന്റ് ചെയ്തയാൾ അത് ഡിലീറ്റ് ചെയ്തു. ഗംഭീരം എന്നായിരുന്നു അഭിഷേകിന്റെ മറുപടിയെ ആരാധകർ പ്രശംസിച്ചത്. 2007ലാണ് ലോക സുന്ദരി പട്ടം കരസ്ഥമാക്കിയ ഐശ്വര്യ റായിയെ അഭിഷേക് ബച്ചൻ വിവാഹം ചെയുന്നത്. ആരാധ്യ എന്ന ഒരു മകളും ഇവർക്കുണ്ട്.

മാർക്കറ്റ് മാനിപുലേറ്റർ ഹർഷദ് മേത്തയുടെയും 1992 ലെ സ്റ്റോക്ക് മാർക്കറ്റ് അഴിമതിയുടെയും കഥ പറയുന്ന ചിത്രമാണ് ബിഗ് ബുൾ. കുക്കി ഗുലാത്തി സംവിധാനം ചെയ്യുന്ന ചിത്രം നിർമ്മിക്കുന്നത് അജയ് ദേവ്‌ഗണാണ്. ഏപ്രിൽ എട്ടിന് റിലീസ് ചെയ്യുന്ന ചിത്രത്തിൽ അഭിഷേക് ബച്ചൻ പ്രധാന കഥാപാത്രത്തെ അവതരിപ്പിക്കുന്നു. ഇലിയാന ഡി ക്രൂസ്, സോഹം ഷാ, നികിത ദത്ത, രാം കപൂർ, മഹേഷ് മഞ്ജരേക്കർ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.

ബോളിവുഡ് സിനിമാ പ്രേമികളുടെ ഏറെ പ്രിയപ്പെട്ട താരജോഡികളാണ് അഭിഷേക് ബച്ചനും ഐശ്വര്യ റായിയും. സിനിമയിൽ ഇതുവരെ അരങ്ങേറ്റം കുറിച്ചിട്ടില്ലെങ്കിലും ഇവരുടെ മകൾ ആരാധ്യയും സോഷ്യൽ മീഡിയ താരമാണ്. കുടുംബത്തോടൊപ്പമുള്ള ചിത്രങ്ങളും വിഡിയോകളും ഇരുവരും സമൂഹമാധ്യമങ്ങളിലൂടെ ആരാധകരുമായി പങ്കുവയ്ക്കാറുണ്ട്.

കാണാൻ ഐശ്വര്യ റായെ പോലുണ്ട്, ഐശ്വര്യ റായാണെന്നാ അവളുടെ വിചാരം ഇങ്ങനുള്ള കമന്റുകൾ ഒന്നും ഒരിക്കൽ പോലും കേൾക്കാത്തവർ ചുരുക്കമായിരിക്കും. സൗന്ദര്യം എന്നതിൻ്റെ മൂർത്തീഭാവമാണ് ഐശ്വര്യ റായ്‌. ലോകത്തിൽ തന്നെ ഏറ്റവും സുന്ദരിയായ സ്ത്രീ എന്നാണ് ഐശ്വര്യയെ പലരും പറയുന്നത്. 1994ലെ മിസ്സ് വേൾഡ് മത്സരത്തിന്റെ വിജയി കൂടിയായിരുന്നു താരം. 1997-ൽ മണിരത്നം സം‌വിധാനം ചെയ്ത ഇരുവർ ആയിരുന്നു നടിയുടെ ആദ്യ ചിത്രം.

സഞ്ചയ് ലീലാ ബൻസാലിയുടെ ഹം ദിൽ ദേ ചുകേ സനം എന്ന സിനിമയിലൂടെ ഐശ്വര്യ ബോളിവുഡ് സിനിമാലോകത്ത് എത്തി. ഈ സിനിമയിലെ അഭിനയത്തിന് ഐശ്വര്യയ്ക്ക് മികച്ച നടിക്കുള്ള ഫിലിംഫെയർ പുരസ്കാരം ലഭിച്ചിരുന്നു. തുടർന്ന് സഞ്ചയ് ലീലാ ബൻസാലിയുടെ അടുത്ത ചിത്രമായ ദേവദാസിലും ഐശ്വര്യ അഭിനയിക്കുകയുണ്ടായി. 2002-ൽ പുറത്തിറങ്ങിയ ഈ ചിത്രത്തിലെ അഭിനയത്തിന് ഐശ്വര്യയ്ക്ക് മികച്ച രണ്ടാമത്തെ നടിക്കുള്ള ഫിലിംഫെയർ അവാർഡും ലഭിച്ചു. തുടർന്ന് ഹിന്ദിയിൽ സജീവമായ ഐശ്വര്യ ഹിന്ദിയെക്കൂടാതെ തമിഴ്, ബംഗാളി സിനിമകളിലും ബ്രൈഡ് ആൻ പ്രിജുഡിസ് (2003), മിസ്‌ട്രസ് ഓഫ് സ്പൈസസ് (2005), ലാസ്റ്റ് റീജിയൻ (2007) എന്നീ അന്തർദേശീയ ചലച്ചിത്രങ്ങളിലും അഭിനയിച്ചു.

അഭിഷേക് ബച്ചനുമായുള്ള വിവാഹത്തിന് ശേഷം ഐശ്വര്യ അഭിനയത്തിൽ നിന്നും ഒരു ഇടവേളയെടുത്തിരുന്നു. വളരെ ചുരുക്കം ചില സിനിമകളിൽ മാത്രമായിരുന്നു താരം അഭിനയിച്ചത്. തുടർന്ന് ആരാധ്യ ജനിച്ചതോടെ മകളായിരുന്നു ഐശ്വര്യയുടെ ലോകം. ഫാഷൻ വീക്കിൽ പങ്കെടുക്കാൻ പോകുമ്പോഴും പരസ്യചിത്രങ്ങളുടെ ഷൂട്ടിനുമൊക്കെ മകളെയും കൊണ്ടാണ് ഐശ്വര്യ പോകുന്നത്. ഐശ്വര്യ റായ് ‘ഒബ്സസീവ് മദര്‍’ ആണെന്ന് അഭിഷേകിന്റെ അമ്മ ജയ ബച്ചനും അഭിപ്രായപ്പെട്ടിരുന്നു. “ഐശ്വര്യ ഒരു ‘ഒബ്സസീവ് മദര്‍’ ആണ്. ഒരു നിമിഷം പോലും ആ കുഞ്ഞിനെ ഒറ്റയ്ക്ക് വിടില്ല. കുഞ്ഞിന്‍റെ എല്ലാ കാര്യങ്ങളും അവള്‍ക്കു തന്നെ ചെയ്യണം. ഐശ്വര്യ മാത്രമല്ല, ഈ തലമുറയില്‍ പെട്ട എല്ലാ അമ്മമാരും ഇങ്ങനെ ‘ഒബ്സസീവ്’ ആണെന്നാണ് ഞാന്‍ വിചാരിക്കുന്നത്” ജയ ബച്ചൻ ഒരു അഭിമുഖത്തിൽ പറഞ്ഞു.

 

 

 

 

 

View this post on Instagram

 

 

 

 

 

 

 

 

 

 

 

A post shared by @mazag__94

ഇപ്പോൾ ഐശ്വര്യയുടെയും മകളുടെയും ഒരുമിച്ചുള്ള ഡാൻസിന്റെ വീഡിയോ ആണ് സോഷ്യൽ മീഡിയയിൽ വൈറലായിരിക്കുന്നത്. ഐശ്വര്യയുടെ ബന്ധുവായ ശ്ലോക ഷെട്ടിയുടെ വിവാഹത്തിന് മുന്നോടിയായുള്ള ചടങ്ങിലാണ് അമ്മയും മകളും തകർപ്പൻ നൃത്തവുമായി വേദി കീഴടക്കിയത്​. അഭിഷേക് ബച്ചൻ-പ്രിയങ്ക ചോപ്ര സിനിമയായ ‘ദോസ്​താന’യിലെ ‘ദേശി ഗേൾ’ ഗാനത്തിനൊപ്പമാണ്​ ഇവർ ചുവട് ​വച്ചത്​. അമ്മയുടെ ചുവടുകൾ നോക്കി അതേപോലെ പകർത്തിയാണ് ഒമ്പതുകാരിയായ ആരാധ്യ നൃത്തം ചെയ്യുന്നത്​. മകളുടെ നൃത്തം കണ്ട ഐശ്വര്യ സന്തോഷത്താൽ ആരാധ്യയെ കെട്ടിപ്പിടിക്കുന്നതും വീഡിയോയിൽ കാണാം. നിമിഷനേരം കൊണ്ടാണ് വീഡിയോ വൈറലായത്. ലക്ഷക്കണക്കിന് ആളുകൾ ഇതിനോടകം വിഡിയോ കണ്ടു കഴിഞ്ഞു. അച്ഛനും അമ്മയ്ക്കും ഒപ്പം തന്നെ കഴിവുകൾ മകൾക്കും ഉണ്ട് എന്നാണ് ആരാധകരുടെ പ്രതികരണങ്ങൾ.

ഇന്ത്യന്‍ ക്രിക്കറ്റ് ടീം നായകന്‍ വിരാട് കോഹ്ലിയും ബോളിവുഡ് താരം അനുഷ്‌ക ശര്‍മ്മയും ഇപ്പോള്‍ സന്തോഷത്തിന്റ നിറവിലാണ്. ഈ കൊറോണക്കാലത്ത് ജീവിതത്തില്‍ പുതിയ നിറം നല്‍കി കുഞ്ഞ് അതിഥി വരാന്‍ പോകുകയാണെന്നു താരങ്ങള്‍ സോഷ്യല്‍മീഡിയയിലൂടെ ആരാധകരെ അറിയിച്ചിരിക്കുകയാണ്. ബോളിവുഡിലെ സെസിബ്രിറ്റികള്‍ അടക്കം നിരവധി പേരാണ് സന്തോഷ വാര്‍ത്ത അറിഞ്ഞ് സോഷ്യല്‍മീഡിയയില്‍ ആശംസകള്‍ അറിയിച്ചിരിക്കുന്നത്. ഇരുവരുമുള്ള ചിത്രത്തിന് തങ്ങള്‍ മൂന്നു പേരാണ് ഇപ്പോള്‍ എന്നും വീരാട് കുറിച്ചിട്ടുണ്ട്. ചിത്രം ചുരുങ്ങിയ സമയംകൊണ്ടാണ് ആരാധകര്‍ ഏറ്റെടുത്തത്.

ഇരുവരും തമ്മിലുള്ള പ്രണയവും വിവാഹവുമെല്ലാം ആരാധകര്‍ ഏറെ ആഘോഷിച്ചതായിരുന്നു. താരങ്ങള്‍ സോഷ്യല്‍ മീഡിയയിലും മറ്റും പങ്കുവയ്ക്കുന്ന വീഡിയോകളും ചിത്രങ്ങളുമെല്ലാം പ്രേക്ഷകര്‍ ഏറ്റെടുക്കാറുണ്ട്. അടുത്തിടെയായിരുന്നു താരങ്ങള്‍ വേര്‍പിരിയുന്നു എന്ന വാര്‍ത്ത പുറത്ത് വന്നത്. ഇരുവരും പങ്കുവച്ച ചിത്രത്തിലെ വിരുഷ്‌ക ഡിവോഴ്‌സ് എന്ന ഹാഷ് ടാഗായിരുന്നു വിവാദത്തിന് കാരണം, സോഷ്യല്‍മീഡിയയില്‍ സന്തോഷനിമിഷങ്ങള്‍ പങ്കുവയ്ക്കാറുള്ള താരങ്ങളുടെ പോസ്റ്റ് ആരാധകര്‍ക്ക് അംഗീകരിക്കാനെ സാധിച്ചില്ല.

പിന്നീട് സത്യാവസ്ഥ തിരിച്ചറിയുകയായിരുന്നു. ഒരു പഴയ വാര്‍ത്തയാണ് ഈ പൊല്ലാപ്പിനെല്ലാം കാരണക്കാരന്‍. ഈ വിവാദങ്ങള്‍ ആളിപുകയുന്നതിനിടെയാണ് അനുഷ്‌ക അമ്മയാകുന്നു എന്ന വാര്‍ത്ത പുറത്ത് വിട്ടിരിക്കുന്നത്. അടുത്തിടെ വിരാട് കോഹ്ലിയോട് അനുഷ്‌കയെ ഡിവോഴ്‌സ് ചെയ്യണമെന്ന് ബിജെപി നേതാവ് ആവശ്യപ്പെട്ടതും വാര്‍ത്തകളില്‍ നിറഞ്ഞു നിന്നിരുന്നു. അനുഷ്‌ക നിര്‍മ്മിച്ച പാതാള്‍ ലോക് എന്ന സീരിസ് ബിജെപിയെ മോശമായി ചിത്രീകരിച്ചതാണ് ഈ വിവാദത്തിന് പിന്നിലെ കാരണം. അനുഷ്‌ക ശര്‍മ്മ വീരാട് കോഹ്ലി വിവാഹം 2017ല്‍ ആയിരുന്നു നടന്നത്. ബോളിവുഡിലെ ആഡംബര വിവാഹങ്ങളില്‍ ഒന്നായിരുന്നു ഇതും. താരങ്ങളുടെ ചിത്രങ്ങളും വീഡിയോകളുമെല്ലാം സോഷ്യല്‍ മീഡിയയില്‍ ശ്രദ്ധ നേടിയിരുന്നു. വിവാഹ ശേഷം താരങ്ങളെ പ്രേക്ഷകര്‍ വിളിക്കുന്നത് വിരുഷ്‌ക എന്നാണ്. താരങ്ങളുടെ ഇന്‍സ്റ്റഗ്രാം ഹാഷ്ടാഗുകളില്‍ വിരുഷ്‌ക നിറഞ്ഞു നിന്നിരുന്നു. വിവാഹം കഴിഞ്ഞ് മൂന്ന് വര്‍ഷത്തിന് ശേഷമാണ് ജീവിതത്തിലേക്ക് ആദ്യത്തെ കണ്‍മണി വരുന്നത്.

2021 ല്‍ തങ്ങള്‍ മുന്നു പേരാകും എന്ന വരികളില്‍ തന്നെ വീരാടിന്റെ സന്തോഷം കാണാന്‍ സാധിക്കും. അനുഷ്‌ക ബേബി ബംബുമായാണ് ചിത്രത്തിലുളളത്. ഇനിയങ്ങോട്ടുള്ള ആഘോഷങ്ങളാണ് പ്രേക്ഷകര്‍ അറെ ഉറ്റു നോക്കുന്നത്. ഏറെ കാലം സന്തോഷമായിരിക്കാനും പ്രേക്ഷകര്‍ ആശംസിക്കുന്നുണ്ട്. അടുത്തിടെ മലയാളത്തിന്റെ അവതാരിക പേര്‍ളി മാണിയും ഗര്‍ഭിണിയാണെന്നുള്ള വിവരം പങ്കു വച്ചിരുന്നു. ബോളിവുഡിന്റെ പ്രിയ താരം കരീന കപൂറും കുഞ്ഞിനായുള്ള കാത്തിരിപ്പിലാണ്. ഇന്ത്യന്‍ നായകന്‍ വിരാട് കോഹ്ലിയെ വിവാഹം ചെയ്യുമ്പോള്‍ നടി അനുഷ്‌ക ശര്‍മ്മ പ്രായം 29 ആയിരുന്നു. ബോളിവുഡില്‍ തിളങ്ങി നിന്നിരുന്ന സമയത്താണ് താരം വിരാടിനെ വിവാഹം ചെയ്തത്. ബോളിവുഡിലെ പല നടികളും ഈ സമയം വിവാഹിതയാകാന്‍ മടിക്കുമ്പോള്‍ ആണ് അനുഷ്‌ക വിവാഹിതയായത്.ഒരു നടിയെ സംബന്ധിച്ചിടത്തോളം 29 വയസ് എന്നത് ചെറുപ്പമാണ്. അതുകൊണ്ടാണ് വിവാഹം കഴിക്കാന്‍ തീരുമാനിച്ചതെന്നും നടി വിവാഹത്തിന് ശേഷം നല്‍കിയ അഭിമുഖത്തില്‍ പറഞ്ഞിരുന്നു.