Connect with us

Celebrities

‘ഞങ്ങളുടെ കുഞ്ഞു രാജകുമാരൻ’ ; മേഘ്‌നയുടെ കുഞ്ഞിനെ പരിചയപ്പെടുത്തി നസ്രിയ

Published

on

തെലുഗ് സിനിമ ലോകത്തെ മാത്രമല്ല സൗത്ത് ഇന്ത്യൻ സിനിമാ ലോകത്തെ തന്നെ ഞെട്ടിച്ചതായിരുന്നു നടൻ ചിരഞ്ജീവി സർജയുടെ മരണം. മലയാളത്തിനും തങ്ങളുടെ മരുമകനെ നഷ്ടപ്പെട്ടത് പോലെയായിരുന്നു. കാരണം മലയാളികൾക്ക് സുപരിചിതയായ മേഘ്‌ന രാജിന്റെ ഭർത്താവാണ് ചിരഞ്ജീവി സർജ. താരത്തിന്റെ മരണത്തിന് ശേഷമായിരുന്നു സഹപ്രവർത്തകരും ആരാധകരുമുൾപ്പെടെയുള്ളവർ മേഘ്‌ന ഗർഭിണിയാണെന്ന വിവരം അറിഞ്ഞത്. ഇതോടെ ആരാധകരുടെ ദുഃഖം ഇരട്ടിയായ അവസ്ഥയിലായിരുന്നു. കുഞ്ഞിനെ ഒരു നോക്ക് കാണാനാവാതെ താരം വിട്ടു പോയല്ലോ എന്നായിരുന്നു എല്ലാവരുടെയും വിഷമം.

അങ്ങനെ കുറച്ച് മാസങ്ങൾക്ക് ശേഷം കുഞ്ഞി ചീരു അമ്മയ്ക്ക് തണലായി വന്നു. ഒക്ടോബർ 22 നാണ് മേഘ്ന ആൺകുഞ്ഞിന് ജന്മം നല്കിയത്. കുഞ്ഞ് പിറന്നത് അച്ഛനമ്മമാരുടെ വിവാഹ നിശ്ചയം നടന്ന തീയതിയിൽ എന്ന പ്രത്യേകത കൂടിയുണ്ട്. ജൂനിയര്‍ ചീരുവിന്റെ ചിത്രങ്ങള്‍ സോഷ്യല്‍ മീഡിയയില്‍ ഒന്നടങ്കം വൈറലായി മാറിയിരുന്നു. ചീരഞ്ജിവി സര്‍ജയുടെ സഹോദരന്‍ ധ്രുവ് സര്‍ജയും മറ്റ് കുടുംബാംഗങ്ങളുമെല്ലാം പ്രസവ സമയത്ത് മേഘ്‌നയ്ക്കൊപ്പം ആശുപത്രിയിലുണ്ടായിരുന്നു. സഹോദരന്റെ കുഞ്ഞിനായി ധ്രുവ് തൊട്ടിൽ വാങ്ങിയതൊക്കെ സമൂഹമാധ്യമങ്ങളിൽ വൈറലായിരുന്നു. ചിരഞ്ജീവിയുടെ മരണത്തിന് ശേഷവും മേഘ്‌നയ്ക്ക് താങ്ങായും തണലായും കൂടെ ഉണ്ടായിരുന്ന അടുത്ത സുഹൃത്തുക്കളിൽ ഒരാളാണ് നസ്രിയയും ഫഹദും.

കുഞ്ഞു ചീരു ജനിച്ചപ്പോഴും നസ്രിയയും ഫഹദും കുട്ടിയെ കാണാൻ ഹൈദരാബാദിൽ എത്തിയിരുന്നു. ഇപ്പോഴിതാ ജൂനിയർ ചീരുവിന്റെ ചിത്രങ്ങൾ ആരാധകർക്കായി പങ്കുവയ്ക്കുകയാണ് നസ്രിയ. ഞാൻ നിന്നെ ഒരുപാട് സ്നേഹിക്കുന്നു കുഞ്ഞേ എന്നാണ് നസ്രിയ കുറിക്കുന്നത്. ഇൻസ്റ്റഗ്രാം സ്റ്റോറിയിലാണ് നസ്രിയ ചിത്രങ്ങൾ ഷെയർ ചെയ്തത്. ഞങ്ങളുടെ കുഞ്ഞു രാജകുമാരൻ എന്നും താരം കുറിച്ചിട്ടുണ്ട്.

ജീവിതത്തിലെ വലിയൊരു ദുഖത്തെ അതിജീവിക്കാനുള്ള യാത്രയിൽ തനിക്ക് പിന്തുണ നൽകിയത് കൂട്ടുകാരികളായ നസ്രിയയും അനന്യയുമാണെന്ന് മേഘ്ന മുൻപൊരു അഭിമുഖത്തിൽ പറഞ്ഞിരുന്നു. നസ്രിയയും ഫഹദുമായി ഏറെ കാലത്തേ അടുപ്പമുണ്ടെന്നും, വർഷങ്ങളായി അനന്യയും തന്റെ അടുത്ത സുഹൃത്താണെന്നും താരം പറഞ്ഞിരുന്നു. “ഈ രണ്ടു കൂട്ടുകാരികളുമാണ് എന്റെ കരുത്ത്. എന്റെ ജീവിതത്തിൽ ഞാൻ കടന്നുപോയ യാത്രകളിലെല്ലാം അനന്യയും നസ്രിയയും എന്റെ ഭാഗമായിരുന്നു” അഭിമുഖത്തിൽ മേഘ്ന പറഞ്ഞു.

കഴിഞ്ഞ ദിവസം മകനെ ആരാധകർക്കു പരിചയപ്പെടുത്തി കൊണ്ടുള്ള ഒരു വീഡിയോ മേഘ്നയും പങ്കുവച്ചിരുന്നു. “ഞാൻ ജനിക്കുന്നതിനു മുമ്പുതന്നെ നിങ്ങൾ എന്നെ സ്നേഹിച്ചിരുന്നു. ഇപ്പോൾ, നമ്മൾ ആദ്യമായി കണ്ടുമുട്ടുമ്പോൾ, അമ്മയോടും അപ്പയോടും വളരെയധികം സ്നേഹവും പിന്തുണയും ഊഷ്മളതയും പകർന്നതിന് എന്റെ ചെറിയ ഹൃദയത്തിന്റെ അടിയിൽ നിന്ന് നിങ്ങളോട് നന്ദി പറയാൻ ഞാൻ ആഗ്രഹിക്കുന്നു. നിങ്ങൾ കുടുംബമാണ്, നിരുപാധികമായി സ്നേഹിക്കുന്ന കുടുംബം. ഞാൻ നിങ്ങളെ എല്ലാവരെയും സ്നേഹിക്കുന്നു!” ഇൻസ്റ്റഗ്രാമിൽ പങ്കുവെച്ച വീഡിയോയ്ക്കൊപ്പമുള്ള കുറിപ്പാണിത്. എന്തായാലും കുഞ്ഞു ചീരുവിനെ സോഷ്യൽ മീഡിയ ഏറ്റെടുത്തിരിക്കുകയാണ്. അതേസമയം അച്ഛൻ്റെ രാജമാര്‍ത്താണ്ഡ എന്ന സിനിമയുടെ ട്രെയിലര്‍ ജൂനിയർ ചീരു തന്നെയാണ് പുറത്തുവിട്ടത്. കെ രാമനാരായണ്‍ ആണ് ചിത്രം സംവിധാനം ചെയ്‍തിരിക്കുന്നത്.

Celebrities

പാറുക്കുട്ടിയ്‌ക്കൊപ്പം കുസൃതി കാട്ടി ലക്ഷ്മി നക്ഷത്ര, ട്രെൻഡിങ്ങിൽ കയറി വീഡിയോ

Published

on

പിറന്ന കുറച്ചുനാളുകൾക്കുള്ളിൽ സ്റ്റാർ ആകുന്ന ചിലർ ഉണ്ട്. അതിൽ കൂടുതലും സെലിബ്രിറ്റികളുടെ മക്കളായിരിക്കും. എന്നാൽ ഇതൊന്നും അല്ലാഞ്ഞിട്ടും ലക്ഷക്കണക്കിന് ആരാധകരുടെ ഇഷ്ട താരം ആയ ഒരു കുഞ്ഞുണ്ട്. മറ്റാരുമല്ല നമ്മുടെ സ്വന്തം പാറു കുട്ടി. ഉപ്പും മുളകും എന്ന സീരിയലിലൂടെ മലയാളി മനസിൽ കയറിക്കൂടിയ കുഞ്ഞു വാവയാണ് പാറുക്കുട്ടി. ഇപ്പോൾ പാറുവും സ്റ്റാർ മാജിക് അവതാരകയായ ലക്ഷ്മി നക്ഷത്രയും ഒരുമിച്ചുള്ള വീഡിയോ ആണ് സോഷ്യൽ മീഡിയയിൽ വൈറലായിരിക്കുന്നത്. ലക്ഷ്മിയുടെ യൂട്യൂബ് ചാനലിലാണ് താരം വീഡിയോ പങ്കുവച്ചിരിക്കുന്നത്.

പാറുക്കുട്ടിയ്ക്കും സഹോദരങ്ങള്‍ക്കും സമ്മാനങ്ങളുമായിട്ടായിരുന്നു ലക്ഷ്മി എത്തിയത്. ഗിഫ്റ് വാങ്ങുന്ന വീഡിയോ ഇതിന് മുൻപ് ലക്ഷ്മി പങ്കുവച്ചിരുന്നു. അന്ന് താൻ ആർക്കാണ് ഗിഫ്റ് വാങ്ങിക്കുന്നത് എന്ന് പ്രവചിക്കാമോ എന്നാണ് ലക്ഷ്മി ആരാധകരോട് ചോദിച്ചത്. കമന്റുകളിൽ മുഴുവൻ നിറഞ്ഞ പേര് പാറുക്കുട്ടി എന്നായിരുന്നു. അങ്ങനെയാണ് പാറുവിനെ കാണാൻ പോകുന്ന വീഡിയോ താരം പങ്കുവച്ചത്. ലക്ഷ്മിയെ കണ്ടപ്പോൾ വളരെ സന്തോഷത്തിലായിരുന്നു പാറുക്കുട്ടി. ഗിഫ്റ്റുകൾ കൂടി കിട്ടിയപ്പോൾ ഡബിൾ സന്തോഷം.

പാറുവിന്റെ ചേച്ചി, അനിയത്തി, അനിയൻ ‘അമ്മ ഒക്കെ വീഡിയോയിൽ കാണിക്കുന്നുണ്ട്. നീലു അമ്മയെയും ബാലു അച്ഛനെയും കുറിച്ചുള്ള ചോദ്യങ്ങള്‍ക്ക് അവര്‍ ഉപ്പും മുളകിലുമാണെന്നാണ് പാറുവിന്റെ ഉത്തരം. ഓഡിഷന് വിളിച്ചപ്പോള്‍ പോവണോ വേണ്ടയോ എന്ന സംശയം ആദ്യം ഉണ്ടായിരുന്നു എന്ന് പാറുവിന്റെ അമ്മ ഗംഗ പറയുന്നു.

ലൈറ്റിന്റെ ഒക്കെ ചൂടൊക്കെ ഉള്ളത് കൊണ്ട് ആദ്യം പേടിയുണ്ടായിരുന്നു. അവള്‍ കമിന്ന് കിടന്നതും നടക്കാന്‍ തുടങ്ങിയതുമൊക്കെ സെറ്റിലാണ്. സെറ്റില്‍ നിന്നും ഒന്ന് മറിഞ്ഞ് വീഴുക പോലും അവള്‍ ചെയ്തിട്ടില്ല. ആദ്യം അച്ഛാ എന്ന് വിളിച്ച് ബിജു സോപാനത്തിനെ ആയിരുന്നു. നീലുവമ്മയെ ആണോ ഗംഗയമ്മയാണോ ഇഷ്ടമെന്നുള്ള ചോദ്യത്തിന് നീലുവമ്മ എന്നായിരുന്നു പാറുവിന്റെ ഉത്തരം. ബാലുവിനെയോണാ അനിലച്ചനെയാണോ ഇഷ്ടമെന്ന ചോദ്യത്തിന് അനിലച്ചന്‍ എന്നും പറയുന്നു.

പാറുക്കുട്ടിക്കും സ്വന്തമായി ഒരു യൂട്യൂബ് ചാനലുണ്ട്. ലോക്ക്ഡൗൺ കാലത്തെ പാറുകുട്ടിയുടെ വിശേഷങ്ങൾ പ്രേക്ഷകരിലെത്തിക്കാനായി അമ്മയാണ് പാറുകുട്ടിക്കായി ഒരു യൂട്യൂബ് ചാനൽ തുടങ്ങിയത്. അച്ഛന്റെ പിറന്നാളിന് കേക്ക് ഉണ്ടാക്കുന്നതും ഷൂട്ടിംഗ് വിശേഷങ്ങളും ഒക്കെ ചാനലിലൂടെ പാറുക്കുട്ടി ഫാൻസ്‌ കണ്ടിരുന്നു. ഉപ്പും മുളകും എന്ന ജനപ്രിയ ടെലിവിഷൻ സീരിയലിൽ ബാലു-നീലു ദമ്പതികളുടെ അഞ്ചാമത്തെ കുട്ടിയായി ആണ് ബേബി അമേയ എന്ന പാറുക്കുട്ടി മിനി സ്‌ക്രീനിൽ എത്തിയത്.

ചുരുങ്ങിയ സമയംകൊണ്ടാണ് ജനമനസുകളിൽ ഇടംപിടിച്ചത്. പാറുവിന്റെ വളർച്ച കൃത്യമായും പ്രേക്ഷകരും കണ്ടുകൊണ്ടിരിക്കുകയായിരുന്നു. അടുത്തിടെയാണ് ഉപ്പും മുളകും അവസാനിക്കാൻ പോവുകയാണെന്ന വാർത്ത പറന്നത്. മാസങ്ങളായി പരമ്പര കാണാത്തതിന്റെ കാരണം അന്വേഷിച്ചപ്പോള്‍ ചില സാങ്കേതിക പ്രശ്‌നങ്ങള്‍ കാരണം നിര്‍ത്തി വെച്ചു എന്ന് മാത്രമായിരുന്നു അറിഞ്ഞത്. എന്നാല്‍ ഇനി ഷോ ഉണ്ടാവില്ലെന്ന തരത്തിലാണ് അനൗദ്യോഗികമായ റിപ്പോര്‍ട്ടുകള്‍.

Continue Reading

Celebrities

ഐശ്വര്യ റായ്‌ക്ക് പാക്കിസ്ഥാനിൽ നിന്നൊരു അപര, ആംനയുടെ ചിത്രങ്ങൾ വൈറൽ

Published

on

സിനിമാ താരങ്ങളെ പോലെ സുന്ദരിയും സുന്ദരനും അകാൻ കൊതിക്കുന്നവരാണ് നമ്മളിൽ പലരും. നീ ആ നടിയെ പോലുണ്ട് അല്ലെങ്കിൽ നടനെ പോലുണ്ട് എന്നൊക്കെ ആരെങ്കിലും പറഞ്ഞാൽ മനസിൽ സന്തോഷം കൊണ്ട് നമ്മൾ തുള്ളിച്ചാടും. പ്രത്യേകിച്ച് ഐശ്വര്യ റായെ പോലുണ്ടെന്ന് പറഞ്ഞാൽ പിന്നെ നോക്കണ്ട. സമീപകാലത്ത് ഐശ്വര്യയുടെ മുഖസാദൃശ്യമുള്ള ഒത്തിരി പേർ സോഷ്യൽ മീഡിയയിൽ വൈറലായിരുന്നു. അക്കൂട്ടത്തിൽ മലയാളിയായ തൊടുപുഴ കാരി അമൃതയും ഉണ്ടായിരുന്നു. എന്നാൽ ഇപ്പോൾ പാക്കിസ്ഥാനിൽ നിന്നാണ് ഐശ്വര്യയ്ക്ക് ഒരു അപര എത്തിയിരിക്കുന്നത്.

ഐശ്വര്യയുടെ രൂപ സാദൃശ്യം കൊണ്ട് സോഷ്യല്‍ മീഡിയയിൽ തരംഗം സൃഷ്ടിക്കുകയാണ് പാകിസ്ഥാന്‍ സ്വദേശി ആംന ഇമ്രാന്‍. ആംന ഐശ്വര്യയെപ്പോലെ മേക്കപ്പും വസ്ത്രധാരണവും ചെയ്താണ് ഇന്‍സ്റ്റഗ്രാമിലൂടെ വൈറലായത്. ബ്യൂട്ടി ബ്ലോഗര്‍ കൂടിയായ ആംനയെ കാണാന്‍ ഐശ്വര്യയെപ്പോലുണ്ടെന്ന് പലരും പറഞ്ഞതോടെയാണ് ഇത്തരത്തില്‍ ആംന മേക്കപ്പും വസ്ത്രധാരണവും ചെയ്ത് ചിത്രങ്ങള്‍ പങ്കുവയ്ക്കാന്‍ തുടങ്ങിയത്. ഇത് വളരെ പെട്ടെന്ന് തന്നെ വൈറലാവുകയായിരുന്നു. വൈകാതെ ഇന്ത്യയിലുള്ള ഐശ്വര്യ റായി ആരാധകര്‍ ആംനയെ ഏറ്റെടുത്തു.

ഐശ്വര്യയുടെ സിനിമകളിലെ രംഗങ്ങളും പാട്ടുമൊക്കെ ആംന വീഡിയോ രൂപത്തില്‍ അവതരിപ്പിച്ചിട്ടുണ്ട്. അതൊക്കെ സമൂഹമാധ്യമങ്ങളില്‍ ഹിറ്റ് ആവുകയും ചെയ്തു. ദേവദാസ്, യെ ദിൽ ഹേ മുഷ്കിൽ തുടങ്ങിയ ചിത്രങ്ങളിലെ ദൃശ്യം ആംന അഭിനയിച്ചിരുന്നു. നിരവധി പേരാണ് താരത്തിന് ആശംസകൾ നേർന്ന് രംഗത്തെത്തിയത്. ഐശ്വര്യ പോലും ഈ സൗന്ദര്യത്തിന് മുൻപിൽ തോറ്റ് പോകും എന്നാണ് ചിലർ പറയുന്നത്. തൊടുപുഴയിൽ നിന്നെത്തിയ അമൃത സജുവും ഐശ്വര്യയുടെ വീഡിയോകൾ ചെയ്ത് പ്രസിദ്ധി പിടിച്ച് പറ്റിയിരുന്നു. രാവൺ എന്ന ചിത്രത്തിലെ സീൻ അമൃത അഭിനയിച്ചത് വൈറലായിരുന്നു. സോഷ്യൽ മീഡിയയിലും, മാധ്യമങ്ങളിലും അമൃതയുടെ വീഡിയോ തരംഗം സൃഷ്ടിക്കുകയുണ്ടായി.

മോഡലിംഗിലൂടെയാണ് ഐശ്വര്യ റായ് സിനിമയിലെത്തുന്നത്. 1994-ലെ ലോകസുന്ദരി പട്ടം ഐശ്വര്യ നേടിയിരുന്നു. ലോകത്തിൽ ഏറ്റവും സൗന്ദര്യമുള്ള വനിത എന്ന് പലപ്പോഴും വിശേഷിപ്പിക്കാറുള്ള ഐശ്വര്യയുടെ ആദ്യ ചലച്ചിത്രം 1997-ൽ മണിരത്നം സം‌വിധാനം ചെയ്ത ‘ഇരുവർ’ ആയിരുന്നു. സഞ്ചയ് ലീലാ ബൻസാലിയുടെ ഹം ദിൽ ദേ ചുകേ സനം എന്ന സിനിമയിലൂടെ ഐശ്വര്യ ബോളിവുഡ് സിനിമാലോകത്ത് എത്തി. ഈ സിനിമയിലെ അഭിനയത്തിന് ഐശ്വര്യയ്ക്ക് മികച്ച നടിക്കുള്ള ഫിലിംഫെയർ പുരസ്കാരം ലഭിച്ചിരുന്നു. തുടർന്ന് സഞ്ചയ് ലീലാ ബൻസാലിയുടെ അടുത്ത ചിത്രമായ ദേവദാസിലും ഐശ്വര്യ അഭിനയിക്കുകയുണ്ടായി.

2002-ൽ പുറത്തിറങ്ങിയ ഈ ചിത്രത്തിലെ അഭിനയത്തിന് ഐശ്വര്യയ്ക്ക് മികച്ച രണ്ടാമത്തെ നടിക്കുള്ള ഫിലിംഫെയർ അവാർഡും ലഭിച്ചു. തുടർന്ന് ഹിന്ദിയിൽ സജീവമായ ഐശ്വര്യ ഹിന്ദിയെക്കൂടാതെ തമിഴ്, ബംഗാളി സിനിമകളിലും ബ്രൈഡ് ആൻ പ്രിജുഡിസ് (2003), മിസ്‌ട്രസ് ഓഫ് സ്പൈസസ് (2005), ലാസ്റ്റ് റീജിയൻ (2007) എന്നീ അന്തർദേശീയ ചലച്ചിത്രങ്ങളിലും അഭിനയിച്ചു. അഭിഷേക് ബച്ചനുമായുള്ള വിവാഹത്തിന് ശേഷം ഐശ്വര്യ അഭിനയത്തിൽ നിന്നും ഒരു ഇടവേളയെടുത്തിരുന്നു. വളരെ ചുരുക്കം ചില സിനിമകളിൽ മാത്രമായിരുന്നു താരം പിന്നീട് അഭിനയിച്ചത്. ഇപ്പോൾ മകൾ ആരാധ്യയാണ് ഐശ്വര്യയുടെ ലോകം.

Continue Reading

Celebrities

ഭർത്താവ് ആശുപത്രിയിൽ കിടന്നപ്പോൾ അഭിനയിക്കാൻ പോയതിന് ഒത്തിരി പഴി കേൾക്കേണ്ടി വന്നിട്ടുണ്ട്; ഇന്ദുലേഖ

Published

on

മിനിസ്ക്രീൻ പ്രേക്ഷകർക്ക് ഒത്തിരി കാലമായി പരിചയമുള്ള മുഖമാണ് നടി ഇന്ദുലേഖയുടേത്. എഴുപത്തിയഞ്ചോളം സീരിയലുകളില്‍ അഭിനയിച്ചിട്ടുള്ള താരത്തെക്കുറിച്ച് കൂടുതലൊന്നും ആരാധകർക്ക് അറിയില്ല. അഭിമുഖങ്ങളിലോ മറ്റ് പരിപാടികളിലോ താരം അത്ര സജീവമല്ല. എന്നാൽ ഇപ്പോൾ തന്റെ മനസ് തുറന്ന് രംഗത്തെത്തിയിരിക്കുകയാണ് ഇന്ദുലേഖ. ഒരു യൂട്യൂബ് ചാനലിന് നല്‍കിയ അഭിമുഖത്തില്‍ ഭര്‍ത്താവിനെ കുറിച്ചും മകളെ കുറിച്ചുമൊക്കെ തുറന്ന് പറയുകയാണ് നടി.

ജീവിതത്തിലെ പല വേദനകളും മറച്ച് വെച്ചാണ് സ്‌ക്രീനിന് മുന്നില്‍ അഭിനയിക്കുന്നതെന്നാണ് ഇന്ദുലേഖ പറയുന്നത്. ഭര്‍ത്താവ് സുഖമില്ലാതെ ആശുപത്രിയില്‍ കിടന്ന സമത്ത് അഭിനയിക്കാന്‍ പോയതിന്റെ പേരില്‍ കേള്‍ക്കേണ്ടി വന്ന പഴികളെ കുറിച്ചും നടി പറയുന്നുണ്ട്. എന്റെ ഭര്‍ത്താവ് ശങ്കരന്‍ പോറ്റി. അദ്ദേഹമൊരു സിനിമാ സംവിധായകനായിരുന്നു. ഇപ്പോള്‍ മരിച്ചിട്ട് ആറ് വര്‍ഷം കഴിഞ്ഞു. എല്ലാവരുടെയും ജീവിതത്തില്‍ സന്തോഷം നിറഞ്ഞ സന്ദര്‍ഭങ്ങളും സങ്കടപ്പെടുത്തുന്ന സംഭവങ്ങളും ഉണ്ടാവാറുണ്ട്. ഈയൊരു ഫീല്‍ഡില്‍ എനിക്ക് വിഷമം തോന്നിയ കാര്യങ്ങളുണ്ട്. താരം പറയുന്നു.

“പുറത്തുനിന്ന് നോക്കുന്നവർക്ക് നമ്മൾ ഗ്ലാമർ ലോകത്താണ്, സന്തോഷം മാത്രമുള്ള​ ആളുകളാണ് നമ്മളെന്നാണ് ആളുകളുടെ ധാരണ. ആറു വർഷം മുൻപ് ഭർത്താവ് ആരോഗ്യപ്രശ്നങ്ങളുമായി ആശുപ്രതിയിൽ അഡ്മിറ്റ് ആയപ്പോൾ ഞാൻ ‘ദേവി മഹാത്മ്യം’ സീരിയലിൽ ദേവിയായി അഭിനയിച്ചു വരികയാണ്. സീരിയലിൽ നിന്നും അധികം ബ്രേക്ക് എടുത്ത് മാറി നിൽക്കാൻ പറ്റാത്ത സമയം. ഞാൻ പോയില്ലെങ്കിൽ സീരിയലിന്റെ ടെലികാസ്റ്റ് മുടങ്ങും. ഒടുവിൽ ഭർത്താവിന്റെ കാര്യങ്ങൾ നോക്കാൻ ഒരു നഴ്സിനെ ഏൽപ്പിച്ച് ഷൂട്ടിംഗിനു പോവേണ്ടി വന്നു. അന്ന് എന്നെയും എന്റെ സാഹചര്യങ്ങളെയും നേരിട്ട് അറിയാവുന്ന ചിലർ, ഭർത്താവ് വയ്യാതെ കിടക്കുമ്പോഴും മേയ്ക്കപ്പ് ഇട്ട് അഭിനയിക്കാൻ പോയിരിക്കുന്നു എന്നു പറഞ്ഞ് കുറ്റപ്പെടുത്തി. ജീവിതത്തിൽ തളർന്നു പോയ ഒരവസരമാണത്,” ഇന്ദുലേഖ പറയുന്നു.

ഭർത്താവ് മരിച്ച ഒരു സ്ത്രീ എങ്ങനെ നടക്കണം, എന്തൊക്കെ ചെയ്യണം എന്നൊക്കെ തീരുമാനിക്കുന്ന ഒരു സമൂഹമാണ് നമുക്ക് ചുറ്റുമുള്ളതെന്നും, അത് മാറ്റി നിര്‍ത്തിയിട്ട് വേണം നമുക്ക് ജീവിച്ച് പോകാനെന്നും താരം പറയുന്നു. പിന്നീട് ഭർത്താവിന്റെ മരണത്തോടെ തളർന്നുപോയ തന്നെ മോട്ടിവേറ്റ് ചെയ്ത് തിരികെ കൊണ്ടുവന്നത് സുഹൃത്തുക്കളാണെന്നും ഇന്ദുലേഖ പറയുന്നു. ഉണ്ണിമായ എന്നൊരു മകളാണ് ഇന്ദുലേഖയ്ക്ക് ഉള്ളത്. ഒമ്പതിൽ പഠിക്കുകയാണ് ഉണ്ണിമായ.

ദൂരദർശൻ കാലം മുതൽ ഇങ്ങോട്ട് മിനിസ്ക്രീൻ പ്രേക്ഷകർക്ക് സുപരിചിതയായ മുഖമാണ് നടി ഇന്ദുലേഖയുടേത്. മൂന്നര വയസ്സു മുതൽ ഡാൻസ് പഠിക്കുന്ന ഇന്ദുലേഖ വളരെ യാദൃശ്ചികമായാണ് സീരിയൽ ലോകത്ത് എത്തിപ്പെട്ടത്. ഏഴാം ക്ലാസ്സിൽ പഠിക്കുമ്പോഴാണ് ദൂരദർശനിൽ സംപ്രേക്ഷണം ചെയ്ത ‘ഹീറോസ്’ എന്ന സീരിയലിലേക്ക് ഇന്ദുലേഖയ്ക്ക്​ അവസരം ലഭിക്കുന്നത്. പിന്നീട് നിരവധി ടെലിഫിലിമുകളുടെയും മെഗാസീരിയലുകളുടെയും ഭാഗമായ ഇന്ദുലേഖ ഇതുവരെ എഴുപത്തഞ്ചോളം സീരിയലുകളിലും 15 സിനിമകളിലും അഭിനയിച്ചു.

Continue Reading

Updates

Celebrities5 hours ago

പാറുക്കുട്ടിയ്‌ക്കൊപ്പം കുസൃതി കാട്ടി ലക്ഷ്മി നക്ഷത്ര, ട്രെൻഡിങ്ങിൽ കയറി വീഡിയോ

പിറന്ന കുറച്ചുനാളുകൾക്കുള്ളിൽ സ്റ്റാർ ആകുന്ന ചിലർ ഉണ്ട്. അതിൽ കൂടുതലും സെലിബ്രിറ്റികളുടെ മക്കളായിരിക്കും. എന്നാൽ ഇതൊന്നും അല്ലാഞ്ഞിട്ടും ലക്ഷക്കണക്കിന് ആരാധകരുടെ ഇഷ്ട താരം ആയ ഒരു കുഞ്ഞുണ്ട്....

Celebrities5 hours ago

ഐശ്വര്യ റായ്‌ക്ക് പാക്കിസ്ഥാനിൽ നിന്നൊരു അപര, ആംനയുടെ ചിത്രങ്ങൾ വൈറൽ

സിനിമാ താരങ്ങളെ പോലെ സുന്ദരിയും സുന്ദരനും അകാൻ കൊതിക്കുന്നവരാണ് നമ്മളിൽ പലരും. നീ ആ നടിയെ പോലുണ്ട് അല്ലെങ്കിൽ നടനെ പോലുണ്ട് എന്നൊക്കെ ആരെങ്കിലും പറഞ്ഞാൽ മനസിൽ...

Celebrities6 hours ago

ഭർത്താവ് ആശുപത്രിയിൽ കിടന്നപ്പോൾ അഭിനയിക്കാൻ പോയതിന് ഒത്തിരി പഴി കേൾക്കേണ്ടി വന്നിട്ടുണ്ട്; ഇന്ദുലേഖ

മിനിസ്ക്രീൻ പ്രേക്ഷകർക്ക് ഒത്തിരി കാലമായി പരിചയമുള്ള മുഖമാണ് നടി ഇന്ദുലേഖയുടേത്. എഴുപത്തിയഞ്ചോളം സീരിയലുകളില്‍ അഭിനയിച്ചിട്ടുള്ള താരത്തെക്കുറിച്ച് കൂടുതലൊന്നും ആരാധകർക്ക് അറിയില്ല. അഭിമുഖങ്ങളിലോ മറ്റ് പരിപാടികളിലോ താരം അത്ര...

Kollywood2 days ago

അല്ലുവിന്റെ സിനിമകഥകളെ ഓർമിപ്പിക്കുന്ന പ്രണയ കഥ, താജ് മഹലിനു മുന്നിൽ സന്തോഷ വാർത്തയുമായി അല്ലുവും സ്നേഹയും

മലയാളികൾ ഏതെങ്കിലും ഒരു അന്യഭാഷാ നടനെ നെഞ്ചോട് ചേർത്ത് വച്ചിട്ടുണ്ടെങ്കിൽ അത് അല്ലു അർജുനെ മാത്രമാണ്. മല്ലു അർജുൻ എന്നാണ് മലയാളികൾ അദ്ദേഹത്തെ വിളിക്കുന്ന പേര്. ഒരുകാലത്ത്...

Celebrities2 days ago

‘ഞാൻ വിവാഹം ചെയ്തത് നടനെ അല്ല, അമേരിക്കൻ കമ്പനിയിൽ ജോലിക്ക് പോകാനിരുന്ന പയ്യനെ’, മനസ് തുറന്ന് പൂർണിമ ഇന്ദ്രജിത്

പൂർണിമയും ഇന്ദ്രജിത്തും മലയാളികളുടെ പ്രിയപ്പെട്ട താര ദമ്പതികളാണ്. ഇരുവരും സോഷ്യൽ മീഡിയയിൽ സജീവമായത് കൊണ്ടുതന്നെ കുടുംബവിശേഷങ്ങളെല്ലാം ആരാധകരുമായി പങ്കുവയ്ക്കാറുണ്ട്. ഇപ്പോൾ പൂർണിമ നൽകിയ ഒരു അഭിമുഖമാണ് സോഷ്യൽ...

Serial News2 days ago

എൻ്റെ കല്യാണം കാണാനായി കാത്തിരിക്കുകയാണ് മകൾ, എന്നിട്ട് വേണം അവൾക്ക് കെട്ടാൻ’, മനസ് തുറന്ന് ഉപ്പും മുളകിലെ നീലു

ഉപ്പും മുളകും എന്ന സീരിയലിന് മുൻപ് നിഷ സാരംഗ് എന്ന നടിയെ അധികം ആർക്കും പരിചയം ഉണ്ടാവില്ല. എന്നാൽ സീരിയലിന് ശേഷം താരത്തെ അറിയാത്ത മലയാളികൾ ഉണ്ടോ...

Serial News2 days ago

ഇത് നാടൻ പൈങ്കിളി, പുതിയ ചിത്രം പങ്കുവച്ച് ചക്കപ്പഴത്തിലെ ശ്രുതി രജനീകാന്ത്

ചക്കപ്പഴം എന്ന സീരിയലിലൂടെ മലയാളികളുടെ മനസിൽ ഇടം നേടിയ താരമാണ് ശ്രുതി രജനീകാന്ത്. വളരെ ചുരുങ്ങിയ കാലം കൊണ്ടാണ് ചക്കപ്പഴം സീരിയൽ ജനഹൃദയങ്ങളിൽ കടന്നു കയറിയത്. ഫ്ലവേഴ്സ്...

Latest News2 days ago

മെലിഞ്ഞ് സുന്ദരിയായി ദുൽഖറിൻ്റെ നായിക, പുത്തൻ ലുക്കുമായി കാര്‍ത്തിക മുരളീധരന്‍

പെൺകുട്ടികളുടെ രോമാഞ്ചമായ ദുൽഖർ സൽമാനെ തന്നെ തേച്ച ഒരു പെൺകുട്ടിയെ ഓർമ്മയുണ്ടോ? “കോമ്രേഡ് ഇൻ അമേരിക്ക-സി ഐ എ” എന്ന ചിത്രത്തിൽ നായികയായി എത്തിയ കാർത്തിക മുരളീധരൻ...

Celebrities2 days ago

ബുമ്ര അവധിയിൽ, അനുപമ ഗുജറാത്തിൽ, സംതിങ് ഫിഷി എന്ന് ആരാധകർ

ഇന്ത്യൻ ക്രിക്കറ്റ് താരം ജസ്പ്രീത് ബുമ്രയുടെ വിവാഹവുമായി ബന്ധപ്പെട്ട് നിരവധി അഭ്യുഹങ്ങളാണ് കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ നിറയുന്നത്. സംഭവം മറ്റൊന്നുമല്ല ഇംഗ്ലണ്ടിനെതിരായ നാലാം ക്രിക്കറ്റ്...

Celebrities2 days ago

ടിആർപി റേറ്റിങ്ങിൽ വീണ്ടും കുടുംബവിളക്കിൻ്റെ കുതിച്ച് ചാട്ടം, പിന്നാലെയോടി സാന്ത്വനം

പ്രേക്ഷകർക്ക് ഇപ്പോഴും പ്രിയപ്പെട്ട സീരിയൽ കുടുംബവിളക്ക് തന്നെ. ടിആര്‍പി റേറ്റിംഗില്‍ വീണ്ടും മുന്നിലായിരിക്കുകയാണ് സുമിത്രയുടെ കുടുംബവിളക്ക്. മാസങ്ങളായി കേരളത്തിലെ പ്രേക്ഷകരില്‍ എറ്റവും കൂടുതല്‍ പേര്‍ കാണുന്ന പരമ്പരയാണിത്....

Trending