സ്ത്രീകൾ നേരിടുന്ന പ്രശ്നങ്ങൾ അല്ലെങ്കിൽ അവളുടെ പോരാട്ടങ്ങളെ പറ്റിയുള്ള നിരവധി ചിത്രങ്ങൾ ഇതിനകം മലയാളത്തിലും ഇന്ത്യൻ സിനിമകളിലും ഉണ്ടായിട്ടുണ്ട്. എന്നാൽ സ്ത്രീ അവയവങ്ങളുടെ പേരിൽ അവൾ നേരിടുന്ന പ്രശ്നങ്ങളും മാനസിക വ്യഥകളും അതികം ആരും സംസാരിച്ചിട്ടില്ല. സ്ത്രീകൾ അനുഭവിക്കുന്ന നോവുകളുടെ നേർക്കാഴ്ചയായി രണ്ടുമണിക്കൂറിൽ താഴെ ദൈർഖ്യമുള്ള കഥ പറയുകയാണ് സംവിധായിക ശ്രുതി ശരണ്യം. കെ.എസ്.എഫ്.ഡിസിയുടെ നിർമാണ പിന്തുണയേടെ പുറത്തിറങ്ങിയ സ്ത്രീപക്ഷ ചിത്രമാണ് ബി 32″ മുതൽ 44″ വരെ. എഴുത്ത് തുടങ്ങിയ കാലം മുതൽ കേൾക്കേണ്ടി വന്ന ചോദ്യത്തിനുളള മറുപടിയാണ് ശ്രുതിയുടെ ചിത്രമെന്നാണ് സാഹിത്യകാരിയായ കെ ആർ മീര വരെ പറഞ്ഞിട്ടുള്ളത്.

പേര് സൂചിപ്പിക്കുന്നത് പോലെ തന്നെ സ്ത്രീകളുടെ മാറിടങ്ങളെപ്പറ്റിയാണ് ചിത്രം സിനിമയിൽ പ്രതിപാദിക്കുന്നത്. അതുമായി ബന്ധപ്പെട്ട് ആറ് സ്ത്രീകൾ അനുഭവിക്കുന്ന പ്രശ്നങ്ങളും അവർ കടന്നുപോകുന്ന അവസ്ഥകളും അതിനെയെല്ലാം മറികടക്കാനുള്ള ശ്രമങ്ങളും എല്ലാം ഇതിൽ കാണാം. വളരെ തന്മയത്വത്തോടെ വിഷയം അവതരിപ്പിച്ചിരിക്കുന്ന തിരക്കഥയാണ് സിനിമയുടെ മറ്റൊരു പ്രധാന ആകർഷണം. സംവിധായിക തന്നെയാണ് തിരക്കഥയും രചിച്ചിരിക്കുന്നത്. രമ്യ നമ്പീശൻ, അനാർക്കലി മരയ്ക്കാർ, സെറിൻ ഷിഹാബ്, കൃഷ കുറുപ്പ്, അശ്വതി, റെയ്ന രാധാകൃഷ്ണൻ എന്നിവരാണ് സിനിമയിലെ മുഖ്യ കഥാപാത്രങ്ങളെ അവതരിപ്പിക്കുന്നത്.

ബ്രസ്റ്റ് കാൻസർ മൂലം സ്തനങ്ങൾ മുറിച്ചു മാറ്റപ്പെട്ടതിന്റെ വേദന അനുഭവിക്കുന്നതിനൊപ്പം ഭർത്താവ് തന്നിൽ നിന്ന് അകലയുകയാണെന്ന യാഥാർത്ഥ്യം മനസിലാക്കിയ മാലിനി (രമ്യ നമ്പീശൻ). ജോലിയിലെ പ്രമോഷൻ ലിസ്റ്റിൽ നിന്ന് തന്റെ പേര് ഒഴുവാക്കിയതിന് കാരണം തന്റെ ശരീരം ആണെന്ന് അറിഞ്ഞ ഇമാന (സറിൻ ഷിഹാബ്), ഭർത്താവിന്റെ ചികിത്സയ്ക്കു വേണ്ടി ലോഞ്ചറി കമ്പനിയുടെ പരസ്യത്തിൽ അഭിനയിക്കേണ്ടി വരുന്ന ജയ (അശ്വതി ബി), സ്വന്തം കുഞ്ഞിനെ മുലയൂട്ടാനുള്ള അവകാശം തഴയപ്പെടുന്ന പ്ലസ് വിദ്യാർത്ഥിനിയായ നിധി(റെയ്ന രാധാകൃഷ്ണൻ), തന്റെ മാറിടത്തിൽ അനുവാദമില്ലാത്ത സ്പർശിച്ചവനെതിരെ പോരാടുന്ന റേച്ചൽ (കൃഷ കുറുപ്പ്) ആൺമനസ്സും പേറി മാറിടം ഒരു തടസ്സമായി കരുതുന്ന സിയ (അനാർക്കലി മരയ്ക്കാർ) എന്നിവരാണ് ആ 6 കഥാപാത്രങ്ങൾ.

സിനിമ കാണുന്ന ഓരോ സ്ത്രീകൾക്കും ഇത് നമ്മൾ എവിടെയോ കണ്ടതാണല്ലോ അനുഭവിച്ചതാണല്ലോ, കേട്ടതാണല്ലോ എന്ന ഒരു ഫീൽ ഉണ്ടാവും. സീനിലെ ചില സീനുകൾ നമ്മെ ആഴത്തിൽ സ്പർശിക്കുന്നവയും ആണ്. അഭിനയിച്ചവർ എല്ലാം തന്നെ തങ്ങളുടെ കഥാപാത്രങ്ങൾ മികച്ചതാക്കിയിട്ടുണ്ട്. ഇത്തരം സിനിമകൾ ഇന്നത്തെ സമൂഹത്തിൽ ചർച്ച ചെയ്യപ്പെടേണ്ടത് തന്നെയാണ്. കൂടുതൽ ആളുകൾ തിയേറ്ററിൽ എത്തുമെന്ന് പ്രതീക്ഷിക്കാം.

മലയാളികളുടെ എക്കാലത്തെയും സൂപ്പർ ഹീറോയാണ് നടൻ ജയൻ. ഇന്നും അദ്ദേഹത്തെ അനുസ്മരിക്കാത്തവർ ചുരുക്കമാണ്. നിലവിൽ ജയന്റെ മരണത്തെപ്പറ്റി അന്വേഷണാത്മക നോവൽ രചിച്ചിരിക്കുകയാണ് എഴുത്തുകാരൻ അൻവർ അബ്ദുള്ള. 1980 എന്നു പേരിട്ടിരിക്കുന്ന നോവൽ കഴിഞ്ഞ ദിവസം മാതൃഭൂമി ബുക്സ് പുറത്തിറക്കി. നോവല്‍ ഇതിനോടകം ശ്രദ്ധനേടിക്കഴിഞ്ഞു. വിവാദങ്ങൾ ക്ഷണിച്ചു വരുത്താനിടയുള്ള വിഷയം എഴുത്തുകാരൻ മികവോടെ കൈകാര്യം ചെയ്തിരിക്കുന്നുവെന്നാണ് നിരൂപകരുടെ അഭിപ്രായം. എങ്കിലും സിനിമാരംഗത്തെ പ്രമുഖരുടെ സാമ്യമുള്ള കഥാപാത്രങ്ങൾ പലരുടെയും നെറ്റിചുളിപ്പിക്കുന്നു. ചരിത്രപുരുഷന്മാരുടെ ഛായയുള്ള കഥാപാത്രങ്ങള്‍ നിറഞ്ഞ നോവല്‍ അതുകൊണ്ടുതന്നെ വിവാദമുണര്‍ത്താന്‍ പോന്നതാണ്.

ഡ്രാക്കുള, റിപ്പബ്ലിക് തുടങ്ങിയ പോസ്റ്റ് മോഡേണ്‍ ത്രില്ലറുകളെഴുതിയ ശേഷം, ഡിറ്റക്ടീവ് പെരുമാള്‍, ഡിറ്റക്ടീവ് ജിബിരീല്‍ പരമ്പരകളിലൂടെ മലയാളകുറ്റാന്വേഷണനോവലില്‍ നടത്തിയ പരീക്ഷണങ്ങളിലൂടെ ശ്രദ്ധേയനായ എഴുത്തുകാരനാണ് അന്‍വര്‍ അബ്ദുള്ള. അദ്ദേഹത്തിന്റെ ഡിറ്റക്ടീവ് പെരുമാള്‍ പരമ്പരയുടെ അഞ്ചാമത്തെ പുസ്തകമാണ് 1980. 1980 നവംബര്‍ 17ന് മദ്രാസിനടുത്തുള്ള ഷോളവാരത്ത് കോളിളക്കം എന്ന സിനിമയുടെ ക്ലൈമാക്‌സ് ചിത്രീകരണത്തിനിടെയാണ് ഹെലികോപ്ടര്‍ അപകടത്തില്‍ നടൻ ജയന്‍ മരിച്ചത്. 42 വര്‍ഷത്തിനു ശേഷവും അതിന്റെ പിന്നിലെ രഹസ്യങ്ങളെക്കുറിച്ചുള്ള മിത്തുകള്‍ മലയാളികളെ വേട്ടയാടുന്നു. 1980 കൈകാര്യം ചെയ്യുന്നതും ആ വിഷയമാണ്.

നോവലില്‍ സൂപ്പര്‍ സ്റ്റാര്‍ ജഗന്‍ ശങ്കര്‍ ആണു കൊല്ലപ്പെടുന്നത്. പേരുപോലെതന്നെ സമാനമാണ് കഥാപാത്രത്തിന്റെയും സാക്ഷാല്‍ ജയന്റെയും ജീവിതവും മരണവും. പടയൊരുക്കം സിനിമയുടെ ക്ലൈമാക്‌സ് ഷൂട്ടു ചെയ്യുന്നതിനിടയില്‍ മദ്രാസിനടുത്തുള്ള ചൂളവാരം എയര്‍ സ്ട്രിപ്പില്‍ വച്ചാണ് അപകടം നടക്കുന്നത്. സംഭവത്തിന് 38 വര്‍ഷത്തിനുശേഷം, ജഗന്റെ കടുത്ത ആരാധകനായ കൃഷ്ണന്‍കുട്ടി പെരുമാളിനെ സമീപിക്കുന്നു. പെരുമാള്‍ കേസ് ഏറ്റെടുക്കുന്നതും സത്യം കണ്ടെത്തുന്നതുമാണ് നോവലിന്റെ പ്രമേയം.

ജയന്റെ ജീവിതത്തെയും മരണത്തെയും സമ്പൂര്‍ണ്ണമായി ഓര്‍മിപ്പിക്കുന്നു എന്നത് മാത്രമല്ല 1975 മുതല്‍ 1980കള്‍ വരെയുള്ള മലയാളസിനിമയുടെയും കൃത്യമായ സമാന്തരചരിത്രമൊരുക്കുന്നുണ്ട് നോവല്‍. സുപരിചിതരായ താരങ്ങളെ ഓര്‍മിപ്പിക്കുന്ന കഥാപാത്രങ്ങളാണ് നോവലിലാകെ. പ്രേം ഫിറോസ്, ബേബി പ്രഭാത്, ഭാസുരേന്ദ്രന്‍ നായര്‍, ലീല, ഭാനുമതി, മോഹന്‍ ഹാസന്‍, ശശികാന്ത്, ചിരണ്‍ദാസ്, സൗമിനി, ആനന്ദ് റായ്, ഇന്ദ്രനീല്‍ ഖന്ന, ശങ്കര്‍ കപൂര്‍ തുടങ്ങിയ ബോളിവുഡ് താരങ്ങളും നോവലിലുണ്ട്. സംവിധായകരായ രാമന്‍ നായര്‍, ഹരിദേവ്, പ്രഭ, മൂകേശ് മുഖര്‍ജി, ജഗന്മോഹന്‍ ദേശായി എന്നിവരും പോര്‍ട്രെയിറ്റുകളാണ്.

എം.വി.ആര്‍. എന്ന നടനും രാഷ്ട്രീയക്കാരനും വിവാദമുണര്‍ത്താവുന്ന സാന്നിദ്ധ്യമായിത്തീരുന്നു. ഫിക്ഷനല്‍ ആഖ്യാനമായാണ് നോവൽ വിഭാവനം ചെയ്തതെന്നാണ് എഴുത്തുകാരന്റെ പക്ഷം. ചലച്ചിത്ര വിവാദ പരാമർശങ്ങൾ കൊണ്ടു ശ്രദ്ധേയമായ ‘ റിവേഴ്സ് ക്ലാപ്’ എന്ന ചലച്ചിത്ര നിരൂപണപരിപാടിയുടെ അവതാരകനായിരുന്നു മുൻപ് എഴുത്തുകാരൻ. നോവൽ ഇതിനകം ജനപ്രീതി ആകർഷിച്ചു കഴിഞ്ഞു.

മലയാളി പ്രേക്ഷകർ വളരെ ആവേശത്തോടെ കാത്തിരിക്കുന്ന ചിത്രമാണ് ട്രാൻസ്. വളരെ പ്രേത്യേകതകൾ നിറഞ്ഞ സിനിമയാണിത്. ഏറെ നാളത്തെ കാത്തിരിപ്പിന് ശേഷം ഫഹദ്-നസ്രിയ-അൻവർ‍ റഷീദ്-അമൽ നീരദ് കൂട്ടുകെട്ടിലൊരുങ്ങിയ ട്രാൻസ് ഇന്ന് തീയേറ്ററുകളിലെത്തുകയാണ്. ചിത്രത്തിന്‍റേതായി പുറത്തിറങ്ങിയ പോസ്റ്ററുകളും പാട്ടുകളും ട്രെയിലറും കണ്ട് ആകാംക്ഷയുടെ കൊടുമുടിയിലാണ് ഏവരും. സംസ്ഥാന സെൻസർ ബോർഡ് അനുമതി നിഷേധിച്ച ‘ട്രാൻസി’ന് ദേശീയ സെൻസർ ബോർഡിന്‍റെ റിവൈസിംഗ് കമ്മറ്റി ചിത്രത്തിലെ ഒരു രംഗവും ഒഴിവാക്കാതെ സിനിമയ്ക്ക് ക്ലീൻ U/A സർട്ടിഫിക്കറ്റ് നൽകുകയായിരുന്നു.

സോഷ്യൽ മീഡിയ പ്രതികരണത്തിൽ നിന്നും തിയറ്ററിൽ നിന്നുമുള്ള പ്രേക്ഷക പ്രീതികരങ്ങളിൽ നിന്നും മനസിലാക്കാൻ സാധിക്കുന്നത് ചിത്രത്തിന് സമ്മിശ്ര അഭിപ്രായമാണ് ലഭിക്കുന്നത്. 2.5 റേറ്റിങ്ങാണ് ചിത്രത്തിന് ലഭിക്കുന്ന്നത്.

ചിത്രത്തിന്‍റെ റിലീസ് തിയതി ഫെബ്രുവരി 14ൽ നിന്ന് 20ലേക്ക് മാറ്റിവെക്കുകയായിരുന്നു.മൂന്നു വർഷത്തെ കാത്തിരിപ്പിന് ശേഷമാണ് ചിത്രം തീയേറ്ററുകളിൽ എത്തിയത്. അൻവര്‍ റഷീദ് സംവിധാനം ചെയ്യുന്ന ചിത്രത്തിൽ ഫഹദും നസ്രിയ ഇതുവരെ കാണാത്ത ഗെറ്റപ്പിലും കഥാപാത്ര സവിശേഷതകളിലുമാണ് സിനിമയില്‍.

വിജു പ്രസാദ് എന്ന മോട്ടിവേഷണൽ സ്പീക്കറായി ഫഹദ് എത്തുമ്പോൾ എസ്തേർ ലോപ്പസ് എന്ന കഥാപാത്രമായാണ് നസ്രിയ എത്തുന്നത്. ചിത്രത്തിന്‍റെ ട്രെയിലർ പുറത്തു വന്നതിന് പിന്നാലെ സോഷ്യൽ മീഡിയയിൽ ചിത്രത്തെ കുറിച്ച് വലിയ ചർച്ചകളാണ് നടക്കുന്നത്. ആത്മീയാചാര്യൻ ഓഷോയുടെ ജീവിതവുമായി ചിത്രത്തിന് ബന്ധമുണ്ടോ എന്ന രീതിയിലുള്ള ചർച്ചകളാണ് ഇതിലധികവും. ഏതായാലും ഏഴ് വർഷത്തെ ഇടവേളക്ക് ശേഷം മലയാളത്തിലെ ഹിറ്റ് സംവിധായകൻ തിരിച്ചെത്തുമ്പോൾ ട്രാൻസിനെ പ്രേക്ഷകർ ഏറ്റെടുക്കുമോ എന്നു വരും ദിവസങ്ങളില്‍ നമുക്ക് അറിയാം.