കൗമാരക്കാരനായ വില്ലനായി മലയാള സിനിമയില്‍ കടന്നു വന്ന താരമാണ് റോഷന്‍ ബഷിര്‍. അടുത്തിടെയായിരുന്നു താരം വിവാഹിതനായത്. സോഷ്യല്‍ മീഡിയയിലൂടെ ഇപ്പോഴിതാ താരം ഹണിമൂണ്‍ കാല ചിത്രങ്ങളുമായി എത്തിയിരിക്കുകയാണ്. മികച്ച സ്വീകാര്യതയാണ് ചിത്രങ്ങള്‍ക്ക് പ്രേക്ഷകര്‍ നല്‍കുന്നത്. ഷിയാസ് കരീം അടക്കം നിരവധി പേരാണ് താരത്തിന്റെ ചിത്രങ്ങള്‍ക്ക് കമന്റുകള്‍ അറിയിക്കുന്നത്. ഈ ലോക്ഡൗണ്‍ കാലത്ത് നിരവധി താര വിവാഹങ്ങളായിരുന്നു നടന്നത്. വിവാഹ നിശ്ചയത്തിന് ശേഷമാണ് റോഷന്റെ വിവാഹ വാര്‍ത്ത പുറത്ത് വിട്ടിരുന്നു. ഫര്‍സാനയ്‌ക്കൊപ്പമുള്ള ചിത്രം പങ്കുവച്ചാണ് എന്‍ഗേജ്ഡ് എന്ന് താരം അറിയിച്ചത്.ഷിയാസ് കപ്പിള്‍സ് ഗോള്‍ എന്നാണ് കമന്റ് നല്‍കിയത്.

കൊച്ചി ഗ്രാന്‍ഡ് ഹയാറ്റിലും മറ്റുമായാണ് ഹണിമൂണ്‍ ആഘോഷിച്ചത്. കോവിഡ് കാലമായതിനാല്‍ താരങ്ങള്‍ക്ക് വിദേശ രാജ്യങ്ങളിലൊന്നും പോകാന്‍ സാധിച്ചില്ല. കേരളത്തില്‍ തന്നെയാണ് അതു കൊണ്ട് ഒഴിവുകള്‍ വേളകള്‍ ആഘോഷിച്ചത്. അടുത്തിടെ കുടുംബമൊത്ത് തലശ്ശേരിയില്‍ പോയ ചിത്രങ്ങളും താരം സോഷ്യല്‍ മീഡിയയില്‍ പങ്കു വച്ചിരുന്നു. ബഷീറിന്റെ സഹോദരിയാണ് ചിത്രങ്ങള്‍ പകര്‍ത്തിയത്. മറ്റേതൊരു വ്യക്തിയെക്കാളും ഭാര്യയ്ക്ക് നിങ്ങളെ സന്തോഷിപ്പിക്കാന്‍ കഴിയും എന്നാണ് താരം ചിത്രങ്ങള്‍ക്ക് താഴെ കുറിച്ചത്. ഇന്‍സ്റ്റഗ്രാമില്‍ പോസ്റ്റ് ചെയ്ത ചിത്രം ചുരുങ്ങിയ സമയം കൊണ്ട് തന്നെ വൈറലായി മാറി ക്കഴിഞ്ഞിട്ടുമുണ്ട്. നിരവധി പേരാണ് നവ ദമ്പതികള്‍ക്ക് ആശംസ അറിയിച്ച് രംഗത്ത് എത്തിയിട്ടുള്ളത്.

ഭാര്യ ഫര്‍സാനയ്‌ക്കൊപ്പം സെല്‍ഫി എടുക്കുന്ന റോഷനെയാണ് ചിത്രത്തില്‍ കാണുന്നത്. എല്‍ എല്‍ ബി പൂര്‍ത്തിയാക്കിയതാണ് ഭാര്യ ഫര്‍സാന. പ്രണയ വിവാഹമല്ല തന്റേതെന്ന് താരം വിവാഹ വാര്‍ത്ത പുറത്ത് വന്നപ്പോള്‍ പറഞ്ഞിരുന്നു.

രണ്ടു പേരുടേയും കുടുംബമൊത്ത് ചേര്‍ന്ന് വിവാഹം തീരുമാനിക്കുകയായിരുന്നുവെന്നും മലയാളത്തിന്റെ മെഗാ സ്റ്റാര്‍ മമ്മൂട്ടിയുടെ അമ്മാവന്റെ കൊച്ചു മകള്‍ കൂടിയാണ് ഫര്‍സാന എന്നും റോഷന്‍ അറിയിച്ചിരുന്നു. റോഷന്റെ സഹോദരിയും ഫര്‍സാനയും നേരത്തെ തന്നെ സുഹൃത്തുക്കളായിരുന്നുവെന്നും അതു കൊണ്ട് തന്നെ ഫര്‍സാനയെ തനിക്ക് പരിചയമുണ്ടെന്നും റോഷന്‍ അഭിമുഖങ്ങളില്‍ പറഞ്ഞിരുന്നു.16-08-2020 ന് ആയിരുന്നു വിവാഹം നടന്നത്. വിവാഹത്തിന്റെ വീഡിയോ സോഷ്യല്‍മീഡിയയില്‍ വൈറല്‍ ആയിരുന്നു.

ജീത്തു ജോസഫ് മോഹന്‍ലാല്‍ കൂട്ടുകെട്ടില്‍ പുറത്തിറങ്ങിയ മലയാളത്തിലെ സൂപ്പര്‍ഹിറ്റ് ചിത്രം ദൃശ്യത്തിലെ വരുണ്‍ പ്രഭാകര്‍ വിവാഹിതനായിരിക്കുകയാണ്. ചിത്രത്തില്‍ വില്ലന്‍ കഥാപാത്രത്തിലൂടെ എത്തിയ റോഷന്‍ ആ ഒരു ഒറ്റ ചിത്രം കൊണ്ട് തന്നെ മലയാളികള്‍ക്ക് സുപരിചിതനായി. പ്ലസ് ടു എന്ന ചിത്രത്തിലൂടെയാണ് റോഷന്‍ അഭിനയ രംഗത്ത് തുടക്കം കുറിച്ചത് പക്ഷെ താരത്തിന്റെ കരീയര്‍ മാറ്റി മറിച്ചത് ദൃശ്യമായിരുന്നു.
ഫര്‍സാനയും സോഷ്യല്‍ മീഡിയയില്‍ സജീവമാണ്. റോഷനൊപ്പമുള്ള ചിത്രങ്ങളും വിവാഹ ചിത്രങ്ങളും ഫര്‍സാനയും പങ്കു വച്ചിട്ടുണ്ട്.
റോഷന്‍ പങ്കു വച്ച ചിത്രങ്ങളില്‍ ഫര്‍സാനയുടെ ലുക്കും മികച്ചതാണെന്ന് ആരാധകര്‍ കമന്റില്‍ എഴുതിയിട്ടുണ്ട്.

ലോക്ഡൗണ്‍ കാലത്ത് സോഷ്യൽ മീഡിയയിൽ ഏറെ ശ്രദ്ധ നേടിയ വെബ് സീരിസ് ആയിരുന്നു പ്രീമിയര്‍ പദ്മിനിയുടെ ലോക്ക് ഡൌണ്‍ അപാരത. കോമഡി സ്കിറ്റുകളിലൂടെ മലയാളികള്‍ക്ക് ഏവര്‍ക്കും സുപരിചിതരായ നോബി, അസീസ് നെടുമങ്ങാട്, അഖില്‍ കവലയൂര്‍, കുട്ടി അഖില്‍ എന്നിവര്‍ അടങ്ങുന്നതാണ് ടീം പ്രീമിയര്‍ പദ്മിനി. അനൂപ് ബാഹുലേയന്‍ ആയിരുന്നു ലോക്ക് ഡൌണ്‍ അപാരതയുടെയും പിന്നീട് വന്ന വെബ് സീരീസുകളായ ‘അണ്‍ലോക്ക് അപാരത’യുടെയും ‘സുനിയുടെ മോന്‍റെയും’ സംവിധായകന്‍. കാര്‍ കാര്‍ഡിയാക് കെയറിന്‍റെ ബാനറില്‍ പ്രവീണ്‍ പി ജെ ആണ് നിര്‍മ്മാണം.

ഇപ്പോഴിതാ പ്രിമീയര്‍ പദ്മിനിയുടെ ഏറ്റവും പുതിയ വെബ് സീരീസായ പാലക്കാടന്‍ തമ്പിയുടെ ഫസ്റ്റ് ലുക്ക് പോസ്റ്റര്‍ പുറത്ത് വന്നിരിക്കുകയാണ്. സിനിമ താരം ഷാജു ശ്രീധര്‍ ആണ് പാലക്കാടന്‍ തമ്പിയായി എത്തുന്നത്.  ഷാജു വിന്‍റെ മാസ്സ് കൂൾ ലുക്കിലുള്ള പോസ്റ്റര്‍ ഇതിനോടകം ശ്രദ്ധ നേടി കഴിഞ്ഞു. റോസ്സ് മേരി ലില്ലു ആണ് പോസ്റ്റര്‍ ഡിസൈന്‍ ചെയ്തിരിക്കുന്നത്. മലായാള സിനിമയിലും സീരിയലിലുമായി നിരവധി കഥാപാത്രങ്ങൾ താരം ഇതിനോടകം ചെയ്തു കഴിഞ്ഞു. മിഥുന്‍ മാനുവല്‍ സംവിധാനം ചെയ്ത കുഞ്ചാക്കോ ബോബൻ കേന്ദ്ര കഥാപാത്രമായി എത്തിയ  അഞ്ചാം പാതിരയിൽ താരം മികച്ച വേഷം ഷാജു കൈകാര്യം ചെയ്തിരുന്നു. അനൂപ് ബാഹുലേയന്‍ തന്നെ ആണ് പാലക്കാടന്‍ തമ്പിയുടെയും സംവിധായകന്‍.

നേരത്തെ ഒരു ചാനല്‍ ഷോയില്‍ ഷാജു ശ്രീധര്‍ പാലക്കാടന്‍ ശൈലിയില്‍ സംസാരിച്ചത് ആരാധകർ ഏറ്റെടുത്തിരുന്നു. അതിനെ ഓര്‍മ്മപ്പെടുത്തുന്ന തരത്തിലാണ് പുതിയ സീരീസിന്‍റെ  ടൈറ്റില്‍ പുറത്ത് വന്നിരിക്കുന്നത്. മുകേഷ് വിഷ്ണു തിരക്കഥ എഴുതുന്ന പാലക്കാടന്‍ തമ്പിയുടെ ഛായാഗ്രഹണം നിര്‍വഹിക്കുന്നത് ജിത്തു ചന്ദ്രന്‍ ആണ്. മനു അശോകന്‍ ആണ് പശ്ചാത്തല സംഗീതവും സംഗീത സംവിധാനവും നിര്‍വഹിച്ചിരിക്കുന്നത്.

ജീവിതത്തിലെ ഓരോ നിമിഷങ്ങളും മകളോടൊത്ത് ആഘോഷിക്കുന്ന തിരക്കിലാണ് നടി ദിവ്യ ഉണ്ണി. അടുത്തിടെയായി താരം സോഷ്യല്‍മീഡിയയില്‍ പങ്കുവയ്ക്കുന്ന വിശേഷങ്ങളില്‍ ഏറെയും മകള്‍ ഐശ്വര്യയെ ക്കുറിച്ചുള്ളതാണ്. ദിവ്യയുടെ രണ്ടാമത്തെ വിവാഹത്തില്‍ ഉള്ള മകളാണ് ഐശ്വര്യ. മകള്‍ പിറന്നശേഷം താരം നൃത്ത രംഗത്ത് സജീവമാണ്. സോഷ്യല്‍മീഡിയയില്‍ പങ്കുവയ്ക്കുന്ന താരത്തിന്റെ വിശേഷങ്ങളെല്ലാം ആരാധകര്‍ ഏറ്റെടുക്കാറുണ്ട്. അമേരിക്കന്‍ സ്വന്തമായി നടത്തുന്ന നൃത്ത വിദ്യാലയത്തില്‍ താരത്തിന് നിരവധി വിദ്യാര്‍ത്ഥികളും ഉണ്ട്. ആദ്യ വിവാഹത്തില്‍ പിറന്ന മകള്‍ മീനാക്ഷിയുടേയും മകന്റെയും വിശേഷങ്ങള്‍ എല്ലാം സോഷ്യല്‍ മീഡിയയിലൂടെ ദിവ്യ പങ്കുവയ്ക്കാറുണ്ട്.യുഎസ് നഗരമായ ഹൂസ്റ്റണില്‍ ശ്രീപാദം സ്‌കൂള്‍ ഓഫ് ആര്‍ട്സ് എന്ന പേരിലാണ് ദിവ്യയുടെ നൃത്തവിദ്യാലയം അറിയപ്പെടുന്നത്.

മകള്‍ ഐശ്വര്യയുമൊത്ത് പങ്കുവയ്ക്കാറുളള ചിത്രങ്ങളില്‍ താരം മനോഹരമായ വരികളും എല്ലായ്‌പ്പോഴും ചേര്‍ക്കാറുണ്ട്. ഇത്തവണയും നടി ആ പതിവ് തെററിച്ചിട്ടില്ല. ലോക ഓസോണ്‍ ഡേയിലാണ് താരം ഈ ചിത്രം പങ്കുവച്ചത്. മകളെ എടുത്തുയര്‍ത്തിയാണ് ചിത്രത്തില്‍ പോസ് ചെയ്തിരിക്കുന്നത്.
നമുക്ക് ഭൂമിയില്‍ സൗ മ്യമായി ചവിട്ടാം. നമ്മുടെ കുട്ടികളില്‍ നിന്ന് അവരുടെ എല്ലാ നാളെയും കടം എടുക്കാം എന്നാണ് താരം കുറിച്ചത്. നേച്ചര്‍ ഹാഷ്ടാഗുകള്‍ പങ്കുവച്ചാണ് ചിത്രം ദിവ്യ പങ്കുവച്ചത്. നിരവധി പേരാണ് താരത്തിന് കമന്റുകള്‍ അറിയിച്ച് രംഗത്ത് എത്തിയത്. അടുത്തിടെ മകളെ എടുത്തു കൊണ്ട് നൃത്ത വേഷത്തില്‍ നില്ക്കുന്ന ചിത്രവും ദിവ്യ സോഷ്യല്‍മീഡിയയില്‍ പോസ്റ്റ് ചെയ്തിരുന്നു. മകളുടെ കൗതുകകരമായ കണ്ണുകളെ ക്കുറിച്ചാണ് ദിവ്യ എഴുതിയത്.

ദേശീയ എഞ്ചിനീയര്‍ ദിനത്തില്‍ വീട്ടില്‍ നിന്നുള്ള മൂന്ന് എഞ്ചിനീയര്‍മാരുമായി സ്നേഹ ചിത്രം പങ്കുവച്ച താരത്തിന്റെ പോസ്റ്റ് ഏറ്റവും ഒടുവില്‍ വാര്‍ത്തകളില്‍ ശ്രദ്ധ നേടിയിരുന്നു. താരത്തിന്റെ അനിയത്തി വിദ്യയും ഭര്‍ത്താവും, ദിവ്യ ഉണ്ണിയുടെ ഭര്‍ത്താവുമാണ് വീട്ടിലെ എന്‍ജിനീയര്‍മാര്‍.വിവാഹ ശേഷം വിദ്യ ഉണ്ണി സിനിമയില്‍ സജീവമല്ല. സോഷ്യല്‍ മീഡിയ വളരെ സജീവമായ വിദ്യ ഉണ്ണി തന്റെ വിശേഷങ്ങളെല്ലാം ആരാധകരുമായി പങ്കുവയ്ക്കാറുണ്ട്. ആദ്യ വിവാഹത്തില്‍ സ്വരചേര്‍ച്ചകള്‍ ഉണ്ടായത് രണ്ടു മക്കള്‍ പിറന്ന ശേഷമായിരുന്നു. പി

2017 ലാണ് ദിവ്യ അമേരിക്കന്‍ മലയാളിയുമായുള്ള ആദ്യ വിവാഹ ബന്ധം വേര്‍പെടുത്തി പുതിയജീവിതത്തിലേക്ക് കടന്നത്. ആ ബന്ധത്തില്‍ താരത്തിന്റെ രണ്ടു മക്കളും ദിവ്യയ്‌ക്കൊപ്പമാണ് താമസിക്കുന്നത്. ഒരു കാലത്ത് മലയാള സിനിമയില്‍ നിറഞ്ഞു നിന്നിരുന്ന ദിവ്യ വിവാഹ ശേഷമാണ് അഭിനയത്തോട് വിട പറഞ്ഞത്. പിന്നീട് കുടുംബസമേതം അമേരിക്കയില്‍ തന്നെയായിരുന്നു താമസം. അഭിനയം മാറ്റി വെച്ചുവെങ്കിലും താരം നൃത്ത രംഗത്ത് സജീവമായിരുന്നു. ആദ്യ ബന്ധം വേര്‍പെടുത്തി അധികം താമസമില്ലാതെ തന്നെ താരം വീണ്ടും വിവാഹിതയായി.ഹൂസ്റ്റണിലെ ഗുരുവായൂരപ്പന്‍ ക്ഷേത്രത്തില്‍ ഫെബ്രുവരി നാലിനായിരുന്നു അരുണ്‍ താരത്തെ വിവാഹം ചെയ്ത്. അരുണ്‍ കുമാര്‍ മണികണ്ഠന്‍ എന്നാണ് ഭര്‍ത്താവിന്റെ യഥാര്ത്ഥ പേര്.