സ്ത്രീ പുരുഷൻ എന്ന തരം തിരിവുകൾ ഇല്ലാത്ത ഒരു കാലത്താണ് നമ്മൾ ജീവിക്കുന്നത്. പുരുഷന്മാർ ചെയ്യുന്ന മിക്ക ജോലികളും ഇപ്പോൾ സ്ത്രീകൾ ചെയ്യുന്നുണ്ട്. ഓട്ടോ ഓടിക്കുന്നത് മുതൽ തെങ്ങ് കയറുന്നത് വരെ. അതേസമയം സ്ത്രീകൾക്ക് കൈത്താങ്ങായി പുതിയ ഒരു സംരംഭം കൂടി ഒരുങ്ങിയിരിക്കുകയാണ്. ‘വുമൺ കാൻ ഫിക്സ് യുവർ ഫോൺ “എന്ന ആശയവുമായി കേരളത്തിലെ ആദ്യത്തെ സ്ത്രീ സൗഹൃദ മൊബൈൽ റിപ്പയറിങ് സെന്റർ തിരുവനന്തപുരം വെള്ളയമ്പലത്തു പ്രവർത്തനം ആരംഭിച്ചിരിക്കുന്നു. ‘എ വുമൺ കാൻ ഫിക്സ് യുവർ ഫോൺ’ എന്ന ആശയം തുടങ്ങിയത് സൗദി അറേബിയയിൽ നിന്നാണ്. ആ ആശയത്തിൽ നിന്നും പ്രചോദനം ഉൾക്കൊണ്ടാണ് തിരുവനന്തപുരത്ത് ഇങ്ങനൊരു സംരംഭം ആരംഭിച്ചത്.

ടി എം സി മൊബൈൽ ഫോൺ ടെക്നോളജി NACTET എന്നിവ സംയുക്തമായാണ് സ്ത്രീകൾക്കായി മൊബൈൽ ഫോൺ ടെക്‌നീഷ്യൻ കോഴ്സ് നടത്തുന്നത്. പത്താം ക്ലാസ് പ്ലസ് ടു കോളേജ് വിദ്യാർത്ഥികൾക്ക് സ്വയം തൊഴിൽ പരിശീലനം, അനുഭവ ജ്ഞാനമുള്ള വിദഗ്ധ ടെക്‌നീഷ്യന്മാർ നയിക്കുന്ന തിയറി, പ്രാക്ടിക്കൽ ക്ലാസുകൾ, 100 ശതമാനം തൊഴിൽ സാധ്യതയും അതിനുള്ള സഹായവുമൊക്കെയാണ് ഇവർ നൽകുന്ന സർവീസുകൾ. NACTET സർട്ടിഫിക്കേഷനോട് കൂടിയ നാല് മാസ കാലയളവിൽ ഉള്ള കോഴ്സ് വിജയകരമായി പൂർത്തിയാക്കുന്നവർക്ക് നല്ല ശമ്പളത്തോടെ ജോലിയോ അല്ലെങ്കിൽ സ്വന്തമായി സർവീസ് സെന്റർ ആരംഭിക്കാനോ ടി എം സി പ്രാപ്തരാക്കുന്നു.

കൂടാതെ വിദ്യാർഥികൾക്കും വനിതകൾക്കുമായി ഏറ്റവും സുരക്ഷിതവും സൗഹൃദവുമായ രീതിയിൽ മൊബൈൽ, ലാപ്ടോപ്പ്, ഐ ഫോൺ, ഐ പാഡ്, മാക് ബുക്ക് എന്നിവയുടെചിപ്പ് ലെവൽ റിപ്പയറിങ്ങിന് വിദഗ്ദമായ പരിശീലനം നൽകുന്നുണ്ട്. വനിതകൾക്കായി ഒരു മികച്ച സ്വയം തൊഴിൽ നേടി കൊടുക്കുക എന്ന ലക്ഷ്യത്തിനൊപ്പം അവരുടെ സുരക്ഷിതത്വം ഉറപ്പാക്കുക എന്ന ഒരു ഉദ്ദേശ്യവും കോഴ്‌സിന് പിന്നിൽ ഉണ്ട്. കേരളത്തിൽ എല്ലാ പ്രമുഖ മൾട്ടി ബ്രാന്റ് സർവീസ് സെന്ററുകളിലും കുറഞ്ഞത് ഒരു വനിത ടെക്‌നിഷ്യ എന്നതാണ് ടി എം സി യുടെ ലക്ഷ്യം എന്ന് മാനേജിങ് ഡയറക്ടർ ജമീൽ യുസഫ് അറിയിച്ചു. അത്യാധുനിക സാങ്കേതിക വിദ്യയോട് കൂടിയുള്ള മൊബൈൽ ഫോൺ റിപ്പയറിങ്ങിനും പുതിയ ബാച്ച് തുടങ്ങിയിട്ടുണ്ട്. ആൺ കുട്ടികൾക്കും പെൺ കുട്ടികൾക്കും പ്രത്യേകം ബാച്ചുകൾ സജ്ജീകരിച്ചിട്ടുണ്ട്. വിശദ വിവരങ്ങൾക്ക് ഡിസ്ക്രിപ്ഷനിൽ കൊടുത്തിട്ടുള്ള നമ്പറിൽ ബന്ധപ്പെടാം

ഷീ ടെക്നിഷ്യൻ കോഴ്സ് പൂർത്തിയാക്കിയ സ്ത്രീകളുടെ സേവനം ടി എം സിയുടെ തിരുവനന്തപുരം, കൊച്ചി എന്നിവിടങ്ങളലെ എല്ലാ സെന്ററുകളിലും ലഭ്യമാണ്. മൊബൈൽ ഫോണുകൾ ലാപ്ടോപ്പ് തുടങ്ങിയവ സർവീസ് സെന്ററുകളിൽ കൊടുക്കാൻ പലർക്കും ബുദ്ധിമുട്ട് ഉണ്ടാവാറുണ്ട്. പല പ്രധാനപ്പെട്ട വിവരങ്ങളും, സ്വകാര്യ ചിത്രങ്ങളും മറ്റും ഉള്ളത് കൊണ്ട് തന്നെ പേടിയോടെയാണ് പലരും നന്നാക്കൽ ഗാഡ്ജറ്റുകൾ കൊടുക്കുന്നത്. എന്നാൽ സ്ത്രീകൾ ആകുമ്പോ ജനങ്ങളിൽ ഒരു വിശ്വാസം ഉണ്ടാവും. മാത്രമല്ല സ്ത്രീകൾക്കും ഇതുപോലുള്ള ജോലികൾ ചെയ്യാൻ സാധിക്കും എന്ന ഒരു ഉറപ്പ് കൂടിയാണ് ഈ ഇൻസ്റ്റിട്യൂട്ട് നൽകുന്നത്.