Connect with us

Celebrity Wedding

ഇത്ര വലിയ നടനായിട്ടും കാണാന്‍ കൊള്ളാവുന്ന ഭാര്യയെ കിട്ടാന്‍ യോഗമില്ല; എലിസബത്തിനൊപ്പമുള്ള ബാലയുടെ വീഡിയോയ്ക്ക് നേരെ വിമര്‍ശനം

Published

on

നായകനായും സഹനടനായും വില്ലനായുമൊക്കെ മലയാള സിനിമയില്‍ തിളങ്ങി നില്‍ക്കുന്ന താരമാണ് ബാല.
മലയാള സിനിമയില്‍ ശ്രദ്ധ കേന്ദ്രീകരിച്ച തമിഴ്നാട് സ്വദേശിയായ ബാല അന്‍പ് എന്ന തമിഴ് സിനിമയിലൂടെയാണ് അഭിനയത്തില്‍ അരങ്ങേറുന്നത്. നവ്യ നായരുടെ നായകനായി കളഭം എന്ന സിനിമയില്‍ അഭിനയിച്ചതോടെ മലയാളികളുടെ പ്രിയങ്കരനായി മാറി. പിന്നീട് മമ്മൂട്ടി കേന്ദ്ര കഥാപാത്രമായ ബിഗ്‌ ബിയിലൂടെ കൂടുതല്‍ ജനശ്രദ്ധ നേടി. വിവാഹ ശേഷമുള്ള ആദ്യ ഓണാഘോഷങ്ങളുടെ വീഡിയോയാണ് ബാല ഇപ്പോള്‍ സോഷ്യല്‍ മീഡിയയിലൂടെ പങ്കുവച്ചിരിക്കുന്നത്.

ബാലയ്ക്കും കുടുംബത്തിനും ഓണസദ്യ വിളമ്പി കൊടുക്കുന്ന ഭാര്യയാണ് വീഡിയോയില്‍ ഉള്ളത്. ‘പ്രിയപ്പെട്ടവര്‍ക്ക് ഓണാശംസകള്‍, കര്‍മ്മ മാത്രം വിജയിക്കും’ എന്നും വീഡിയോയില്‍ താരം എഴുതി കാണിക്കുന്നുണ്ട്. ബാലയുടെ ഈ പോസ്റ്റിന് താഴെയായി നിരവധി പേരാണ് കമന്റുകള്‍ പോസ്റ്റ് ചെയ്തിരിക്കുന്നത്. നല്ലൊരു ഭാവി ഉണ്ടാകട്ടെ, നല്ലൊരു കുടുംബ ജീവിത൦ ആശംസിക്കുന്നു, പുതിയ ജീവിതം സന്തോഷകരമാകട്ടെ തുടങ്ങി നിരവധി കമന്റുകളാണ് പോസ്റ്റിന് താഴെ വരുന്നത്. എന്നാല്‍, ഇതിനൊപ്പം തന്നെ വിമര്‍ശനങ്ങളും ഉയരുന്നുണ്ട്.

ഇത്രയും വലിയ നടനും ധനികനും ആയിട്ടു൦ കാണാന്‍ കൊള്ളാവുന്ന ഒരു ഭാര്യയെ കിട്ടാന്‍ ബാലയ്ക്ക് യോഗമില്ല എന്നാണ് വിമര്‍ശന കമന്റില്‍ പറയുന്നത്. ആദ്യ ഭാര്യയ്ക്ക് സൗന്ദര്യം ഇല്ലായിരുന്നുവെന്നും രണ്ടാമത്തെ ഭാര്യയ്ക്കും സൗന്ദര്യമില്ല എന്നുമാണ് കമന്റില്‍ പറയുന്നത്. ‘ബാലയുടെ പ്രശസ്തിയും പണവും മോഹിച്ചാണ് രണ്ടു സ്ത്രീകളും വന്നത്. ബാലയുടെ നിലയ്ക്കും വിലയ്ക്കും ചേരാത്ത ബന്ധത്തില്‍ ചാടിയാല്‍ അത് അധിക നാള്‍ നിലനില്‍ക്കില്ല, സമ്പത്തിന്റെ പകുതിയും കൊണ്ടാണ് ആദ്യ ഭാര്യ പോയത്, ബാക്കിയുള്ളത് രണ്ടാം ഭാര്യയും കൊണ്ടുപോകും തുടങ്ങിയ കമന്റുകള്‍ കമന്റ് ബോക്സിലുണ്ട്.

റിയാലിറ്റി ഷോ വേദിയിൽ വച്ച് കണ്ടുമുട്ടി പ്രണയത്തിലാവുകയും വിവാഹിതരാകുകയും ചെയ്തവരാണ് ചലച്ചിത്ര താരം ബാലയു൦ ഗായിക അമൃതയും. 2010ലായിരുന്നു അമൃതയുടെയും ബാലയുടെയും വിവാഹം. 2012ല്‍ മകള്‍ അവന്തിക ജനിച്ചു. 2016 മുതൽ വേര്‍പിരിഞ്ഞു കഴിഞ്ഞിരുന്ന ഇരുവരും 2019ലാണ് നിയമപരമായി വിവാഹ ബന്ധം വേർപ്പെടുത്തിയത്. ഇരുവരുടെയും മകൾ അവന്തിക അമൃതയ്ക്കും കുടുംബത്തിനുമൊപ്പമാണ് താമസം. അമൃതയുമായുള്ള ബന്ധം വേര്പ്പെടുത്തിയ ബാലയുടെ വിവാഹം അതീവ രഹസ്യമായിരുന്നു. ശ്രീശാന്ത് ഫേസ്ബുക്കിലൂടെ പങ്കുവച്ച വീഡിയോയിലൂടെയാണ് ബാല രണ്ടാമതും വിവാഹിതനായി എന്ന വിവരം പുറംലോകമറിഞ്ഞത്.

എലിസബത്ത് എന്നാണ് ബാലയുടെ ഭാര്യയുടെ പേര്. ബാല ഇന്‍സ്റ്റഗ്രാമില്‍ പങ്കുവച്ച ഒരു വീഡിയോ കഴിഞ്ഞ ദിവസം സോഷ്യല്‍ മീഡിയയില്‍ ചര്‍ച്ചയായിരുന്നു. ബാല എല്ലു എന്നീ പേരുകളാണ് പുറത്തുവിട്ട വീഡിയോയില്‍ താരം എഴുതി കാണിച്ചിരുന്നത്. ട്രൂ ലവ് ബിഗിന്‍സ് എന്നും വീഡിയോയില്‍ എഴുതി കാണിച്ചിരുന്നു. പങ്കുവച്ച് നിമിഷങ്ങള്‍ക്കകം തന്നെ ബാലയുടെ ഈ വീഡിയോ സോഷ്യല്‍ മീഡിയയില്‍ വൈറലായി മാറി. എട്ട് വര്‍ഷമായി ബാച്ചിലര്‍ ജീവിതം നയിച്ചിരുന്ന ബാല അച്ഛന്റെ ആഗ്രഹാപ്രകാരമാണ് രണ്ടാം വിവാഹത്തിന് തയാറായത്.

Celebrity Wedding

‘ഈ മുഹൂർത്തത്തിന് ഇന്ന് 25 വയസ്സ് തികയുകയാണ്’ -വിവാഹ വാര്‍ഷിക ദിനത്തില്‍ സലിം കുമാര്‍

Published

on

By

മലയാളത്തിലെ ഹാസ്യ രാജാക്കന്മാരിൽ പ്രധാനിയാണ് സലിം കുമാർ. മിമിക്രിയിലൂടെ സിനിമയിലെത്തിയ സലിം കുമാർ ചെറിയ ചെറിയ വേഷങ്ങളിലൂടെയാണ് മലയാള സിനിമയിൽ തന്റെ സ്ഥാനം ഉറപ്പിച്ചത്. സൂപ്പർ താരങ്ങളുടെയും യുവ താരങ്ങളുടെയും സിനിമകളിൽ ഹാസ്യതാരമായും സ്വഭാവ നടനായും അഭിനയിച്ചിട്ടുള്ള താരം അഭിനയ പ്രാധന്യമുള്ള വേഷങ്ങളും കൈകാര്യം ചെയ്‌തിട്ടുണ്ട്‌. ഇന്നും ഓർത്തോർത്ത് ചിരിക്കുന്ന പല ഡയലോഗുകളും മലയാളികൾക്ക് സമ്മാനിച്ചത് സലിം കുമാറാണ്. ആദാമിന്റെ മകൻ എന്ന ചിത്രത്തിലെ പ്രകടനത്തിന് മികച്ച നടനുള്ള ദേശീയ അവാർഡും താരത്തെ തേടിയെത്തിയിരുന്നു.

അഭിനയത്തിന് പുറമെ സംവിധായകൻ എന്ന നിലയിലും സലിം കുമാർ തിളങ്ങിയിട്ടുണ്ട്. മൂന്ന് ചിത്രങ്ങളാണ് ഈ കാലഘട്ടത്തിൽ സലിം കുമാർ സംവിധാനം ചെയ്‌തത്‌. ‘കംപാർട്മെന്റ്’, ‘കറുത്ത ജൂതൻ’, ‘ദൈവമേ കൈതൊഴാം കേൾക്കുമാറാകണം’ എന്നിവയാണ് സലിം കുമാർ സംവിധാനം ചെയ്‌ത ചിത്രങ്ങൾ. കറുത്ത ജൂതൻ എന്ന ചിത്രത്തിന് ആ വർഷത്തെ മികച്ച കഥക്കുള്ള കേരള സംസ്ഥാന പുരസ്‌കാരവും ലഭിച്ചിരുന്നു. ഇപ്പോഴിതാ, തന്റെ ഇരുപത്തിയഞ്ചാം വിവാഹ വാര്‍ഷികം ആഘോഷിക്കുകയാണ് സലിം കുമാര്‍. താരം തന്നെയാണ് ഫേസ്ബുക്കിലൂടെ ഇക്കാര്യം ആരാധകരുമായി പങ്കുവച്ചിരിക്കുന്നത്.

‘സർവ്വശക്തന്റെ അനുഗ്രഹത്താൽ ഈ മുഹൂർത്തത്തിന് ഇന്ന് 25 വയസ്സ് തികയുകയാണ്. ഞങ്ങളോട് സഹകരിച്ച എല്ലാവരോടുമുള്ള നന്ദി എന്നും ഹൃദയത്തിൽ ഉണ്ടാവും. സ്നേഹാദരങ്ങളോടെ സലിംകുമാർ & സുനിത’ എന്ന അടിക്കുറിപ്പോടെയാണ് താരം വിവാഹ ചിത്രം പങ്കുവച്ചിരിക്കുന്നത്. 1996 സെപ്റ്റംബര്‍ 14നായിരുന്നു സലിം കുമാറിന്റെയും സുനിതയുടെയും വിവാഹം. ചന്തു, ആരോമല്‍ എന്നിവരാണ്‌ മക്കള്‍. അടുത്തിടെ ഫഹദ് ഫാസില്‍ നായകനായ ‘മാലിക്’ എന്ന സിനിമയില്‍ സലിം കുമാറിന്റെ ചെറുപ്പകാലം അവതരിപ്പിച്ചത് ചന്തുവാണ്. ഇത്രയും വര്‍ഷത്തിനിടയ്ക്ക് ഒരിക്കല്‍ പോലും തങ്ങള്‍ തമ്മില്‍ വഴക്കിട്ടില്ല എന്ന് മുന്‍പൊരിക്കല്‍ സലിം കുമാര്‍ പറഞ്ഞിട്ടുണ്ട്.

‘ഇത്രയും വര്‍ഷത്തെ ദാമ്പത്യ ജീവിതത്തിനിടെ ഇതുവരെ ഞങ്ങള്‍ വഴക്കുണ്ടാക്കിയതായി ഓര്‍ക്കുന്നില്ല. അഥവാ ഉണ്ടായിട്ടുണ്ടെങ്കില്‍ തന്നെ അതിനൊക്കെ പത്ത് മിനിറ്റിന്റെ പോലും ആയുസ് ഉണ്ടായിട്ടില്ല.’ -സലിം കുമാര്‍ പറഞ്ഞിരുന്നു. ‘ഞാനും ഭാര്യയും പ്രണയിച്ച് വിവാഹിതരായവർ ആണ്. എന്ന് കരുതി എന്നും കമിതാക്കളായി സാധിക്കില്ലല്ലോ. ഓരോ ഘട്ടം കടക്കുമ്പോഴും നമ്മളുടെ ഉള്ളിലെ കുട്ടിയെയും കാമുകനെയും ഒക്കെ കൊല്ലേണ്ടി വരും. ഞാനിപ്പോൾ ഒരു ഭർത്താവും അച്ഛനുമാണ്. അവൾ ഭാര്യയും അമ്മയുമാണ്. അതാണ് വിജയം. ജീവിതം തന്നെയാണ് ജീവിതത്തിന്റെ ഗുരു. എന്റെ വീടിന്റെ തുടിപ്പ് ഭാര്യയാണ്. അവൾക്ക് പനി വരുമ്പോഴാണ് കുടുംബത്തിന്റെ താളം തെറ്റുന്നത്.’ -സലിം കുമാർ പറയുന്നു.

‘എന്റെ കടങ്ങളെ കുറിച്ചോ, അക്കൗണ്ടുകളെ കുറിച്ചോ എനിക്ക് അറിവില്ല.എനിക്കാകെ ആവശ്യമുള്ള ബീഡി പോലും വാങ്ങി തരുന്നത് അവളാണ്. വീട്ടിൽ ആരെങ്കിലും വന്ന് ഭർത്താവ് എന്തിയേ?എന്ന് ചോദിച്ചാൽ എന്റെ ഭാര്യ എപ്പോഴും പറയുന്ന മറുപടി ‘ഷൂട്ടിംഗിനു പോയി’ എന്നാണ്. ഇനി മക്കൾ എവിടെ? എന്ന് ആരെങ്കിലും ചോദിച്ചാൽ ഈ ഉത്തരം തന്നെ പറഞ്ഞാൽ ശരിയാകില്ലലോ. അവൾക്കും ഉണ്ടാകില്ലേ വ്യത്യസ്തത ഇഷ്ടപ്പെടുന്ന ഒരു മനസ്. അതുകൊണ്ടു മക്കൾ ഓഫീസിൽ പോയി എന്ന് അവൾക്ക് പറയാൻ കഴിയണം. അതുകൊണ്ട് ഞാൻ എന്റെ രണ്ടു മക്കളയേയും നന്നായി പഠിപ്പിക്കാൻ തീരുമാനിക്കുകയായിരുന്നു.’ -സലിം കുമാര്‍ പറഞ്ഞു.

Continue Reading

Celebrity Wedding

രോഹിത്തിന്റെ കൈപിടിച്ച് എലീന, പൂവണിഞ്ഞത് വര്‍ഷങ്ങള്‍ നീണ്ട പ്രണയം; എലീന വൈകിട്ടെത്തുക ക്രിസ്ത്യന്‍ വധുവായി

Published

on

By

ഏഷ്യാനെറ്റിൽ സംപ്രേക്ഷണം ചെയ്‌തിരുന്ന ‘ഭാര്യ’ എന്ന പരമ്പരയിലൂടെ മലയാള മിനിസ്‌ക്രീനിലെത്തിയ താരമാണ് എലീന പടിക്കൽ. അവതാരകയായും അഭിനേത്രിയായും തിളങ്ങി നിന്നിരുന്ന താരം ബിഗ് ബോസ് മലയാള൦ സീസൺ രണ്ടിൽ മത്സരാർത്ഥിയായിരുന്നു. ബിഗ് ബോസ് വീടിനുള്ളിൽ വച്ചാണ് എലീന ആദ്യമായി തന്റെ പ്രണയത്തെ കുറിച്ച് തുറന്നു പറഞ്ഞത്. രോഹിത്തിനെ പരിചയപ്പെട്ടതിനെ കുറിച്ചും ആ സൗഹൃദം പ്രണയമായതിനെക്കുറിച്ചുമെല്ലാം എലീന ഷോയിൽ തുറന്നുപറഞ്ഞിരുന്നു. ഇരു മതസ്ഥരായ തങ്ങൾ വീട്ടുകാരുടെ സമ്മതം നേടാനായാണ് കാത്തിരിക്കുന്നതെന്നും എലീന പറഞ്ഞിരുന്നു.

എലീനയെ പോലെ തന്നെ രോഹിത്തും ഒറ്റ കുട്ടിയാണ്. ഇപ്പോഴിതാ, ഏറെ നാളുകള്‍ നീണ്ട പ്രണയത്തിന് ശേഷം എലീനയുടെയും രോഹിത്തിന്റെയും വിവാഹം കഴിഞ്ഞിരിക്കുകയാണ്. കോഴിക്കോട് വച്ചായിരുന്നു വിവാഹം. ഹിന്ദു മതാചാര പ്രകാരമുള്ള ചടങ്ങുകളാണ് രാവിലെ പൂര്‍ത്തിയാക്കിയത്. വൈകിട്ടത്തെ വിവാഹ റിസപ്ഷനില്‍ ക്രിസ്ത്യന്‍ വധുവിന്റെ വേഷത്തിലാണ് എലീന എത്തുക. എലീനയുടെയും രോഹിത്തിന്റെയും വിവാഹ ചടങ്ങുകളുടെ ചിത്രങ്ങളും വീഡിയോകളും ഇതിനോടകം തന്നെ സോഷ്യല്‍ മീഡിയയില്‍ വൈറലായി മാറിക്കഴിഞ്ഞു.

ടിപ്പിക്കല്‍ ഹിന്ദു വധുവിന്റെ വേഷമാണ് എലീന ധരിച്ചിരുന്നത്. വിവാഹ വേദിയിലേക്ക് എത്തുന്ന വധുവിന്റെയും വരന്റെയും ചിത്രങ്ങള്‍ തുന്നിയ രീതിയിലാണ്‌ ബ്ലൗസ് തയാറാക്കിയിരിക്കുന്നത്. കുതിര പുറത്ത് വരുന്ന വരനും മഞ്ചലില്‍ കൊണ്ടുവരുന്ന വധുവിന്റെയും ചിത്രങ്ങളാണ്‌ ബ്ലൗസില്‍ ആലേഖനം ചെയ്തിരിക്കുന്നത്. കൂടാതെ, തന്റെ അച്ഛന്റെയും അമ്മയുടെയും പേരും താരം ഇതിനൊപ്പം തുന്നി ചേര്‍ത്തിട്ടുണ്ട്. കാഞ്ചീപുരത്ത് ബുട്ടീക് നടത്തുന്ന ആര്യ എന്നാ സുഹൃത്താണ് എലീനയ്ക്ക് വേണ്ടി ബ്ലൗസ് ഡിസൈന്‍ ചെയ്‌തത്‌. ഹിന്ദു ആചാര പ്രകാരമുള്ള വിവാഹത്തിനു ശേഷം ക്രിസ്ത്യന്‍ വധുവായി ഒരുങ്ങാനുള്ള തയാറെടുപ്പിലാണ് എലീന.

നിരവധി പേരാണ് എലീനയ്ക്കും രോഹിത്തിനും ആശംസകള്‍ നേര്‍ന്ന് രംഗത്തെത്തിയത്. ഓഗസ്റ്റ് മുപ്പതിനായിരുന്നു വിവാഹം തീരുമാനിച്ചിരുന്നതെങ്കിലും ഇരുപത്തിയാറിന് തന്നെ എലീനയും കുടുംബവും കോഴിക്കോട് എത്തി. ഇവിടെ വച്ചായിരുന്നു ഹല്‍ദി, മെഹന്ദി, ബ്രൈഡല്‍ ഷവര്‍, മധുരംവെപ്പ് തുടങ്ങിയ ചടങ്ങുകള്‍ നടന്നത്. കോവിഡ് മാനദണ്ഡങ്ങളും നിയന്ത്രണങ്ങളും ഉള്ളതിനാല്‍ അടുത്ത സുഹൃത്തുക്കളും ബന്ധുക്കളും മാത്രമണ്‌ ചടങ്ങില്‍ പങ്കെടുത്തത്. ഓഗസ്റ്റിലാണ് തന്റെ വിവാഹമെന്നും ഹിന്ദു-ക്രിസ്ത്യന്‍ രീതികളിലായാണ് വിവാഹം നടത്തുകയെന്നും മുൻപ് എലീന പറഞ്ഞിട്ടുണ്ട്.

രാവിലെ ഹിന്ദു വധുവായും വൈകിട്ട് ക്രിസ്ത്യന്‍ വധുവായുമുള്ള ചടങ്ങുകള്‍ നടത്തും എന്ന് മുൻപേ തന്നെ എലീന വ്യക്തമാക്കിയിരുന്നു. രോഹിതിന്റെ പ്രണയാഭ്യർത്ഥനയ്ക്ക് തുടക്കത്തില്‍ മറുപടി കൊടുത്തിരുന്നില്ലെന്നും തനിക്ക് പറ്റിയ ആളാണെന്ന് മനസ്സിലായതോടെയാണ് സമ്മതം പറഞ്ഞതെന്നും എലീന പറഞ്ഞിരുന്നു. വിവാഹ ശേഷവും മിനിസ്‌ക്രീനിൽ സജീവമായിരിക്കുമെന്നാണ് എലീന പറയുന്നത്. ‘വര്‍ഷങ്ങളായി മീഡിയ മേഖലയില്‍ സജീവമാണ്, അത് തുടരും. അഭിനയിക്കുന്നതിനെ കുറിച്ച് വലിയ പ്ലാനുകളൊന്നുമില്ല. മികച്ച അവസരം ലഭിച്ചാല്‍ സ്വീകരിക്കു൦ .’ -എലീന വ്യക്തമാക്കിയിട്ടുണ്ട്.

Continue Reading

Celebrity Wedding

പ്രണയ വിവാഹമല്ല, രണ്ട് മതസ്ഥരാണെങ്കിലും പൂര്‍ണ മനസോടെയാണ്‌ വിവാഹം; ടോഷേട്ടന്റെ വീട്ടുകാര്‍ക്ക് എന്നെ ഇഷ്ടമായി -വിവാഹത്തെ കുറിച്ച് ചന്ദ്രാ ലക്ഷ്മണ്‍

Published

on

By

ചുരുക്കം ചില സിനിമകളിലൂടെ തന്നെ മലയാളി പ്രേക്ഷകര്‍ക്ക് പ്രിയങ്കരിയായി മാറിയ നടിയാണ് ചന്ദ്ര ലക്ഷ്മണ്‍. 2002ല്‍ റിലീസ് ചെയ്ത ‘മനസെല്ലാം’ എന്നാ തമിഴ് ചിത്രത്തിലൂടെ അരങ്ങേറിയ ചന്ദ്ര ലക്ഷ്മണ്‍ ആ വര്‍ഷം തന്നെ ‘സ്റ്റോപ്പ് വയലന്‍സ്’ എന്ന സിനിമയിലൂടെ മലയാളത്തിലും അരങ്ങേറി. കല്യാണ കുറിമാനം, ബോയ്‌ ഫ്രണ്ട്, ചക്രം, ബല്‍റാം vs താരാദാസ്, പച്ചകുതിര തുടങ്ങിയ ചിത്രങ്ങളില്‍ വേഷമിട്ട ചന്ദ്ര 2003ലാണ് മിനിസ്ക്രീനില്‍ അരങ്ങേറ്റം കുറിച്ചത്.സ്വന്തം എന്ന പരമ്പരയിലെ സാന്ദ്രാ നെല്ലിക്കാടന്‍ എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു.

മലയാളം, തമിഴ്, തെലുങ്ക് ഭാഷകളിലായി മുപ്പതിലേറെ പരമ്പരകളില്‍ ചന്ദ്ര ശ്രദ്ധേയ കഥാപാത്രങ്ങളെ അവതരിപ്പിച്ചു. നിലവില്‍ സൂര്യ ടിവിയില്‍ സംപ്രേക്ഷണം തുടരുന്ന സൂപ്പര്‍ ഹിറ്റ് പരമ്പരയായ സ്വന്തം സുജാതയില്‍ ടൈറ്റില്‍ കഥാപാത്രത്തെ അവതരിപ്പിക്കുകയാണ് ചന്ദ്ര. ചന്ദ്രാ ലക്ഷ്മണ്‍, കിഷോര്‍ സത്യ എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന സീരിയല്‍ റേറ്റിംഗില്‍ മുന്‍പില്‍ നില്‍ക്കുന്ന ഒരു പരമ്പര കൂടിയാണ്. വര്‍ഷങ്ങളായി അഭിനയ മേഖലയില്‍ തുടരുന്ന ചന്ദ്രയുടെ വിവാഹത്തെ കുറിച്ചുള്ള ചര്‍ച്ചകളാണ് ഇപ്പോള്‍ സോഷ്യല്‍ മീഡിയയിലെ ചര്‍ച്ചാ വിഷയം.

സ്വന്തം സുജാത എന്ന പരമ്പരയില്‍ തന്നെ പ്രധാന കഥാപാത്രത്തെ അവതരിപ്പിക്കുന്ന നടന്‍ ടോഷ് ക്രിസ്റ്റിയുമായി തന്റെ വിവാഹം ഉറപ്പിച്ച വിവരം ചന്ദ്ര തന്നെയാണ് അറിയിച്ചത്. ഇപ്പോഴിതാ, തങ്ങളുടേത് പ്രണയ വിവാഹമല്ല എന്ന് വെളിപ്പെടുത്തി രംഗത്തെത്തിയിരിക്കുകയാണ് ചന്ദ്ര. ‘ഒരേ സീരിയലിലാണ് അഭിനയിക്കുന്നതെങ്കിലും ഇതൊരു പ്രണയ വിവാഹം അല്ല. ഞങ്ങള്‍ രണ്ടു മതസ്ഥര്‍ ആണെങ്കിലും പൂര്‍ണ മനസോടെയാണ്‌ വിവാഹിതരാകുന്നത്. ഞങ്ങള്‍ ആദ്യമായി കാണുന്നത് പോലും മൂന്നു മാസം മുന്‍പാണ്‌. സ്വന്തം സുജാതയുടെ ലൊക്കേഷനില്‍ വച്ച്. ഞങ്ങള്‍ നല്ല സഹപ്രവര്‍ത്തകരും സുഹൃത്തുക്കളുമായിരുന്നു.’ -ചന്ദ്ര പറയുന്നു.

‘എല്ലാവരുമായി നല്ലൊരു ബന്ധം കാത്തുസൂക്ഷിക്കുന്ന വ്യക്തിയാണ് ടോഷേട്ടന്‍. എല്ലാവര്‍ക്കും ഏറെ ഇഷ്ടമുള്ള ഒരാള്‍ കൂടിയാണ്. ടോഷേട്ടനെ കുറിച്ച് ആരോട് ചോദിച്ചാലും നല്ലത് മാത്രേ പറയൂ. എപ്പോഴും ആള് പോസിറ്റീവാണ്. കൂടെയുള്ള ആളുകളെ എപ്പോഴും സന്തോഷത്തോടെ വയ്ക്കാന്‍ ഇഷ്ടപ്പെടുന്ന ആളായത് കൊണ്ട് ഞാന്‍ അദ്ദേഹവുമായി വളരെ കംഫര്‍ട്ട് ആയിരുന്നു. എന്റെ മാതാപിതാക്കള്‍ക്കും ടോഷേട്ടനെ അടുത്തറിയാം. അവരെല്ലാം ഒരുപാട് സന്തോഷത്തിലാണ്. ടോഷേട്ടന്റെ വീട്ടുകാര്‍ക്കും എന്നെ ഇഷ്ടമായി.’ -ചന്ദ്ര പറഞ്ഞു. +

‘ഒന്നോ രണ്ടോ മാസത്തിനുള്ളില്‍ വിവാഹം ഉറപ്പിക്കും. ആര്‍ഭാടങ്ങള്‍ ഒഴിവാക്കിയാകും ചടങ്ങുകള്‍ നടത്തുക. വിവാഹ തീയതി എല്ലാവരെയും അറിയിക്കും.’ -ചന്ദ്ര കൂട്ടിച്ചേര്‍ത്തു. രണ്ടു കുടുംബങ്ങളുടെയും സമ്മത്തോടെ തങ്ങള്‍ പുതിയ ജീവിതം ആരംഭിക്കുകയാണ് എന്നാണ് ഇരുവരും വിവാഹ വാര്‍ത്ത‍ അറിയിച്ചുക്കൊണ്ട് പങ്കുവച്ച പോസ്റ്റില്‍ പറഞ്ഞിരുന്നത്. വിവാഹ നിശ്ചയം കഴിഞ്ഞെന്നുള്ള സൂചനയാണ് ഇരുവരും പോസ്റ്റിലൂടെ നല്‍കിയത്. ഒരുമിച്ച് അഭിനയിക്കുമ്പോള്‍ മുതല്‍ അറിയാമെങ്കിലും ഇത് വീട്ടുകാര്‍ പരസ്പരം പറഞ്ഞുറപ്പിച്ച വിവാഹമാണ് എന്നാണ് കുറിപ്പില്‍ പറഞ്ഞിരുന്നത്.

Continue Reading

Updates

Celebrities1 week ago

തനി ചട്ടമ്പിയായി ശ്രീനാഥ്‌ ഭാസി!!! വ്യത്യസ്ത ഫസ്റ്റ് ലുക്ക് പോസ്റ്റർ ഇറക്കി ഞെട്ടിച്ച് ടീം ചട്ടമ്പി!!

പലതരം ഫസ്റ്റ് ലുക്ക് പോസ്റ്ററുകളും നമ്മൾ കണ്ടിട്ടുണ്ടാവും എന്നാൽ ഇത്തരം ഒരു വ്യത്യസ്ത പോസ്റ്റർ കണ്ടിട്ടുണ്ടോ. അത്തരത്തിൽ ഒരു വ്യത്യസ്തമായ ഫസ്റ്റ് ലുക്ക് പോസ്റ്ററുമായി എത്തിയിരിക്കുകയാണ് ടീം...

Celebrities2 weeks ago

ലെസ്ബിയൻ പ്രണയകഥ നോർമലാണ് ഹേ!! സോഷ്യൽ മീഡിയയിൽ വൈറലായി ന്യൂ നോർമൽ പ്രണയകഥ

പെണ്ണും പെണ്ണും തമ്മിൽ പ്രണയിക്കുന്നത് നോർമലായിട്ടുള്ള ഒരു കാര്യമാണ്. അത് കണ്ട് നെറ്റിചുളിക്കേണ്ട ആവശ്യമില്ല. അങ്ങനെ ഒരു ആശയവുമായി എത്തിയിരിക്കുകയാണ് ഒരുകൂട്ടം ചെറുപ്പക്കാരികൾ. രണ്ട് ലെസ്ബിയൻ ജോഡികൾ...

Celebrities1 month ago

മലയാളം പറയാൻ മടിക്കുന്ന മലയാളികൾക്കിടയിൽ തനി മലയാളിയായി ബിഗ് ബോസിൽ കസറി അപർണ മൾബറി

ബിഗ് ബോസിൽ വരുന്നതിന് മുൻപ് തന്നെ മലയാളികളുടെ പ്രിയങ്കരിയാണ് അപർണ മൾബറി എന്ന ഇൻവെർട്ടഡ് കോക്കനറ്റ്. ഏതൊരു മലയാളിയെക്കാളും നല്ല ശുദ്ധ മലയാളം പറയുന്ന അപർണ എല്ലാവര്ക്കും...

Celebrities2 months ago

തലയിൽ കണ്ണട വയ്ക്കുന്ന പെണ്ണുങ്ങളെ ഒന്നും അവിടെ കണ്ടില്ല!! ഇനിയെങ്കിലും സിനിമാക്കാരാ ക്യാമറയുടെ മുന്നിൽ മാത്രം മതി നിൻ്റെ അഭിനയം, യഥാർഥ ജീവിതത്തിൽ അഭിനയിക്കരുതേ!!

മലയാളി സിനിമ ആരാധകരെ മുഴുവൻ കരയിപ്പിച്ച വിയോഗമായിരുന്നു നടി കെപിഎസി ലളിതയുടേത്. ഇതിഹാസ നേടിയെയാണ് മലയാളികൾക്ക് നഷ്ടപ്പെട്ടത്. അന്നത്തെ ദിവസം ഏറെ ചർച്ച ചെയ്യപ്പെട്ടത് നടി സരയുവിനെപ്പറ്റി...

Celebrities2 months ago

അതിക്രൂരമായ കൊലപാതകങ്ങൾ! കൊലയാളിയെ തിരഞ്ഞ് അനൂപ് മേനോൻ! ത്രില്ലടിപ്പിച്ച് 21 ഗ്രാംസ് ട്രെയ്‌ലർ

പ്രേക്ഷകരെ ത്രില്ലടിപ്പിച്ച് അനൂപ് മേനോൻ നായകനായി എത്തുന്ന 21 ഗ്രാംസിന്റെ ട്രെയ്‌ലർ പുറത്തിറങ്ങി. ക്രൈം ത്രില്ലർ ചിത്രമായാണ് 21 ഗ്രാംസ് എത്തുന്നത്. നിഘൂടമായ കൊലപാതകങ്ങളുടെ ചുരുളഴിക്കുന്ന ഇൻവെസ്റ്റിഗേഷൻ...

Celebrities3 months ago

കശ്മീരിന് പകരം ലത മതിയെന്ന് പറഞ്ഞ പാക് പ്രധാനമന്ത്രി, ഇന്ത്യയുടെ വാനമ്പാടി ഇനി ഓർമ

പതിറ്റാണ്ടുകളോളം സംഗീത പ്രേമികളുടെ മനസ്സിൽ ഭാവങ്ങളുടെ നാദമഴ പെയ്യിച്ച ഇന്ത്യയുടെ ഒരേയൊരു വാനമ്പാടി ലത മ​ങ്കേഷ്കർ (92) (Lata Mangeshkar) അന്തരിച്ചു. മുംബൈ ബീച്ച് കാൻഡി ആശുപത്രിയിലായിരുന്നു...

Celebrities3 months ago

“ആരോടേലും ദേഷ്യമോ വൈരാഗ്യമോ ഉണ്ടേൽ പ്രാകുകയോ, കൊല്ലണം എന്ന പോലെ ഒക്കെ തോന്നുകയോ ചെയ്‌താൽ ഒരു മുറീൽ കേറി വാതിലടച്ചിട്ട് സ്വയം കണ്ണാടി നോക്കി പറയണം”: ദിലീപ് കേസിൽ അശ്വതി

സ്‌ക്രീനില്‍ എത്തിയിട്ട് നാളുകള്‍ ഒരുപാട് ആയെങ്കിലും മിനിസ്‌ക്രീന്‍ പ്രേക്ഷകര്‍ മറക്കാത്ത താരമാണ് അശ്വതി(Aswathy). അല്‍ഫോന്‍സാമ്മ എന്ന പരമ്പരയിലൂടെയും, കുങ്കുമപ്പൂവ് എന്ന സീരിയലിലെ പ്രതിനായികയായ അമല എന്ന വേഷവും...

Celebrities3 months ago

ഒത്തുകൂടി ഭാവനയും സംയുക്തയും ഗീതു മോഹൻദാസും, മഞ്ജു എവിടെയെന്ന് ആരാധകർ

മലയാള സിനിമയിൽ ഒരുപിടി നല്ല സൗഹൃദങ്ങളുണ്ട്. അക്കൂട്ടത്തിൽ ഒന്നാണ് മഞ്ജു വാരിയരും (Manju Warrier) ഗീതു മോഹന്‍ദാസും ഭാവനയും (Bhavana) സംയുക്താ വർമയും പൂർണ്ണിമ ഇന്ദ്രജിത്തും തമ്മിലുള്ളത്....

Celebrities3 months ago

“നല്ല പണി കൊടുക്കും എന്ന് ദിലീപ് പറയുന്നത് എങ്ങനെ ശാപവാക്കാകും” വാദങ്ങൾ നിരത്തി പ്രോസിക്യൂഷൻ

നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ വധിക്കാൻ ഗൂഢാലോചന നടത്തിയെന്ന കേസിൽ ദിലീപിന്റെ (Dileep) മുൻകൂർ ജാമ്യാപേക്ഷ എതിർത്ത് പ്രോസിക്യൂഷൻ . സമാനതയില്ലാത്ത കുറ്റകൃത്യത്തിൽ നിന്നാണ് കേസിന്റെ...

Celebrities4 months ago

“ദുബായിൽ നിന്നും ഷൂട്ട് കഴിഞ്ഞ് വന്ന എന്നെയും അമ്മേയെയും എന്തോ മോശം ചെയ്തു വന്നവരായി മുദ്ര കുത്തി, ഇത് എഴുതുമ്പോഴും എൻ്റെ കണ്ണുകൾ നിറഞ്ഞൊഴുകുകയാണ്”: തുറന്ന് പറച്ചിലുമായി അനുശ്രീ

മലയാളികളുടെ മനസ്സിൽ ഒരു ഡയമണ്ട് നെക്‌ലേസായി കയറിക്കൂടിയ നടിയാണ് അനുശ്രീ. ഒത്തിരി നല്ല കഥാപാത്രങ്ങൾ അനുശ്രീ അഭിനയിച്ച് മികച്ചതാക്കിയിട്ടുണ്ട്. ഇപ്പോൾ അഭിനയം തുടങ്ങുന്ന സമയത്ത് താനും തന്റെ...

Trending

instagram takipçi satın al