മോഹൻലാലിനെ ഇഷ്ടമല്ലാത്ത മലയാളികൾ ഉണ്ടാകുമോ? സംശയമാണ്. എത്രയൊക്കെ ഫാൻ ഫൈറ്റുകൾ ഉണ്ടായാലും ഉള്ളിന്റെ ഉള്ളിൽ ഒരു ലാലേട്ടൻ ആരാധകർ എല്ലാവരുടെയും മനസ്സിൽ ഒളിച്ച് കിടപ്പുണ്ടാകും. അങ്ങനെ ഉള്ള ആ താര നായകനെ സ്വന്തമാക്കിയതാണെങ്കിൽ സുചിത്രയും. ഇപ്പോൾ 33 വർഷത്തെ ദാമ്പത്യ ജീവിതം ആഘോഷമാക്കുന്ന ഇരുവരുടെയും ജീവിതത്തിൽ അധികം ആരും അറിയാത്ത ചില പ്രണയ സംഭവങ്ങൾ നടന്നിട്ടുണ്ട്. കുട്ടിക്കാലം മുതലേ തന്നെ സിനിമയെക്കുറിച്ച് അറിഞ്ഞാണ് സുചിത്ര വളര്‍ന്നത്. അച്ഛനും ചേട്ടനും സിനിമാരംഗത്ത് സജീവമായിരുന്നു. പ്രശസ്ത നിർമാതാവ് ബാലാജിയുടെ മകളാണ് സുചിത്ര.

മോഹൻലാലും സുചിത്രയും തമ്മിൽ പ്രണയത്തിലായിരുന്നു എന്നാണ് പല അഭിമുഖത്തിലൂടെയും വ്യക്തമായിട്ടുള്ളത്. മോഹന്‍ലാല്‍ അഭിനയിച്ച സിനിമകള്‍ കണ്ട് സുചിത്രയ്ക്ക് അറിയാതെയൊരു ഇഷ്ടം മനസ്സില്‍ തോന്നിയിരുന്നു. കത്തുകളിലൂടെ ആ ഇഷ്ടം പ്രകടിപ്പിച്ചിരുന്നു. തുടക്കത്തിലൊന്നും ഈ ഇഷ്ടം മനസ്സിലായെങ്കിലും പിന്നീട് സുചിയുടെ പ്രണയം അറിഞ്ഞിരുന്നുവെന്ന് മുന്‍പ് സുരേഷ് ബാലാജി പറഞ്ഞിരുന്നു. സുചിത്ര മോഹന്‍ലാലിനോടുള്ള ഇഷ്ടത്തെക്കുറിച്ച് ആദ്യം പറഞ്ഞത് സുകുമാരിയോടായിരുന്നു. കാര്യങ്ങള്‍ നീക്കാനായി സഹായിച്ചതും സുകുമാരിയായിരുന്നു. ചെന്നൈയിലെ ഒരു വിവാഹ ചടങ്ങില്‍ വെച്ചായിരുന്നു മോഹന്‍ലാലും സുചിത്രയും ആദ്യമായി നേരില്‍ കണ്ടത്. നേരില്‍ കണ്ടതോടെ സുചിത്രയുടെ ഇഷ്ടം കൂടുകയായിരുന്നു.

തുടർന്നാണ് സുചിത്രയെ മോഹന്‍ലാലുമായി വിവാഹം കഴിപ്പിക്കാന്‍ തീരുമാനിക്കുന്നത്. എന്നാല്‍ ഇരുവരുടെയും ജാതകം ചേരില്ലെന്ന് കണ്ടതോടെ വിവാഹം വേണ്ടെന്ന് ഇരുകുടുംബങ്ങളും തീരുമാനിച്ചു. വിവാഹം നടക്കില്ലെന്ന് അറിഞ്ഞതോടെ മോഹന്‍ലാല്‍ വീണ്ടും അഭിനയത്തിലേക്കും സുചിത്ര ചെന്നൈയിലേക്കും തിരിച്ച് പോയി. രണ്ട് വര്‍ഷങ്ങള്‍ക്കിപ്പുറും സുചിത്ര അവരുടെ ബന്ധുക്കളുടെ കോഴിക്കോടുള്ള വീട്ടിലെത്തി. അങ്ങനെ വീണ്ടും സുചിത്രയുടെ വിവാഹാലോചന മോഹന്‍ലാലിന് വീണ്ടും ലഭിച്ചു. ഇരുവരുടെയും ജാതകം നോക്കിയതില്‍ തെറ്റ് പറ്റിയതാണെന്ന് പിന്നീട് മോഹന്‍ലാല്‍ മനസിലാക്കി. മാത്രമല്ല കഴിഞ്ഞ രണ്ട് വര്‍ഷവും സുചിത്ര തനിക്ക് വേണ്ടി കാത്തിരിക്കുകയായിരുന്നു. അക്കാര്യം അറിഞ്ഞതോടെ താരത്തിന് മറുപടി പോലും പറയാന്‍ സാധിച്ചില്ല. അങ്ങനെ ആ വിവാഹം നടന്നു.

ഇന്ന് പ്രണവ്, വിസ്മയ എന്ന രണ്ട് മക്കൾ ഇരുവർക്കും ഉണ്ട്. അടുത്തിടെ മോഹൻലാലിനെക്കുറിച്ച് സുചിത്ര പറഞ്ഞ വാക്കുകളും ശ്രദ്ധേയമായിരുന്നു. ബറോസിന്റെ പൂജ ചടങ്ങിലാണ് അധികം സംസാരിച്ചു കണ്ടിട്ടില്ലാത്ത സുചിത്ര സംസാരിച്ച് കണ്ടത്. ”കഴിഞ്ഞ കാലങ്ങളിലെല്ലാം ഞാന്‍ ഒരു ലോ പ്രൊഫൈല്‍ ബാക്ക് സീറ്റ് എടുക്കാന്‍ തീരുമാനിച്ച് മാറിനില്‍ക്കുകയായിരുന്നു. അപ്പുവിന്റെ (പ്രണവ് മോഹന്‍ലാലില്‍) ആദ്യ സിനിമയുമായി ബന്ധപ്പെട്ടാണ് ഞാന്‍ ഒടുവില്‍ സംസാരിച്ചത്. ഇന്ന് ചേട്ടന്റെ (മോഹന്‍ലാല്‍) ജീവിതത്തിലെ ഏറ്റവും മനോഹരമായ നിമിഷങ്ങളില്‍ ഒന്നാണ്. ഒരു നടന്‍ എന്ന നിലയില്‍ അദ്ദേഹം എല്ലാം നേടി. ഒരു സംവിധായകന്‍ എന്ന നിലയില്‍ പുതിയ ഒരു തുടക്കമാണിത്. ഇന്ന് എന്തെങ്കിലും സംസാരിച്ചേ മതിയാകൂ എന്ന് തോന്നി.

നവോദയുടെ മഞ്ഞില്‍ വിരിഞ്ഞ പൂക്കള്‍ എന്ന ചിത്രത്തിലാണ് അദ്ദേഹം ആദ്യമായി അഭിനയിക്കുന്നത്. അതും വില്ലനായി. അന്ന് ഞാന്‍ അദ്ദേഹത്തെ വെറുത്തു. വില്ലനായി അദ്ദേഹം അഭിനയിച്ചപ്പോഴെല്ലാം ഞാന്‍ അദ്ദേഹത്തെ വെറുത്തു. അങ്ങനെ വെറുപ്പ് തോന്നിയതിന് കാരണം, അദ്ദേഹം ചെയ്യുന്ന ജോലിയില്‍ നല്ലതായത് കൊണ്ടുമാത്രമാണ്. നവോദയയുടെ എന്റെ മാമാട്ടിക്കുട്ടിയമ്മയ്ക്ക് എന്ന ചിത്രം മുതലാണ് അദ്ദേഹത്തെ ഇഷ്ടപ്പെടാന്‍ തുടങ്ങിയത്. ആ ഇഷ്ടം അവിടെ അവസാനിച്ചില്ല. ഞങ്ങള്‍ വിവാഹിതരായി. ഇന്ന് ഞാന്‍ ഏറ്റവും ഇഷ്ടപ്പെടുന്ന നടനാണ് അദ്ദേഹം.” ബോറോസ് സംവിധാനം ചെയ്യാനുള്ള മോഹന്‍ലാലിന്റെ തീരുമാനം നല്ലതാണെന്നും സുചിത്ര പറഞ്ഞു. താന്‍ ഏറ്റവും ഇഷ്ടപ്പെടുന്ന സംവിധായകനായി മോഹന്‍ലാല്‍ മാറുമെന്നും സുചിത്ര കൂട്ടിച്ചേര്‍ത്തു.

ബിഗ് ബോസ് മലയാളം സീസൺ മൂന്നിൽ പ്രേക്ഷകർക്കെല്ലാം ഒരുപോലെ മിസ്സ് ചെയ്യുന്ന മത്സരാർത്ഥിയാണ് ഡിംപൽ ഭാൽ. ബിഗ് ബോസിൽ വരും മുൻപ് പലരും പേര് പോലും കേട്ടിട്ടില്ലാത്ത ഡിംപലിപ്പോൾ മലയാളികൾക്ക് പ്രിയങ്കരിയാണ്. പിതാവിന്റെ വിയോഗത്തെ തുടർന്നാണ് വ്യാഴാഴ്ച് ഡിംപൽ ഷോയിൽ നിന്നും പുറത്ത് പോയത്. സഹോദരി തിങ്കൾ ഭാൽ മുഖേനയാണ് മരണവാർത്ത ഡിംപലിനെ അറിയിച്ചത്. ഡൽഹിയിൽ വച്ച് ബുധനാഴ്ച പുലര്‍ച്ചയോടെയായിരുന്നു ഡിംപലിന്റെ പിതാവിന്റെ മരണം. കലശലായ പനി ബാധിച്ചതിനെ തുടർന്നു ആശുപത്രിയിലേക്ക് കൊണ്ടുപോകും വഴിയായിരുന്നു മരണം.

ഷോയിൽ നിന്നും പുറത്തിറങ്ങിയ ഡിംപലിപ്പോൾ തന്നെ പരിഗണിക്കുന്നില്ലെന്നു പറഞ്ഞു രംഗത്തെത്തിയിരിക്കുകയാണ് സഹമത്സരാർത്ഥിയായ മജ്‌സിയാ ബാനു. താൻ വിളിക്കുമ്പോഴൊന്നും ഡിംപൽ ഫോണെടുക്കുന്നില്ല എന്ന് പറഞ്ഞുകൊണ്ടുള്ള മജ്‌സിയുടെ സംഭാഷണത്തിന്റെ വോയ്‌സ് ക്ലിപ് സമൂഹ മാധ്യമങ്ങളിലൂടെ വൈറലായിക്കൊണ്ടിരിക്കുകയാണ്. ഒരുപാട് തവണ ഡിംപലിനെ വിളിച്ചിട്ടും ഫോണെടുത്തില്ലെന്നും ഇടയ്ക്ക് തിങ്കൾ ഫോണെടുത്ത് ഇങ്ങനെ വിളിക്കുന്നതെന്തിനാണെന്ന് ചോദിച്ചിരുന്നുവെന്നും മജ്‌സിയ പറയുന്നു.

ബിഗ് ബോസിൽ വച്ചാണ് ഡിംപലിനെ പരിചയപ്പെടുന്നത്. അവളെപ്പോലെ തന്നെ എനിക്കും പേഴ്സണാലിറ്റിയും വാല്യൂവും ഉണ്ട്. അവളുടെ യൂണിഫോ൦ പ്രശ്‌ന൦ നടക്കുന്ന സമയത്ത് ഈ പറയുന്ന മണിക്കുട്ടൻ പോലും അവൾക്കൊപ്പം ഉണ്ടായിരുന്നില്ല. മണിക്കുട്ടന് എല്ലാത്തിനും സൂര്യയായിരുന്നു. ഞാൻ ഷോയിൽ നിന്നും പുറത്തയ ശേഷമാണ് മണിക്കുട്ടനുമായി കട്ട ഫ്രണ്ട്ഷിപ്പായത്. ഞാന്‍ അവിടെ ഉണ്ടായിരുന്ന സമയം വരെ നിന്റെ ഫ്രണ്ട് ആരാ ഡിംപു, ഡിംപുവിന്റെ ഫ്രണ്ട് ആരാ ബാനു അങ്ങനെയായിരുന്നു. എന്റെ ഫ്രണ്ട്ഷിപ്പ് എന്താണെന്ന് എനിക്കറിയാം. -ബാനു പറയുന്നു.

അത് അവളുടെ അവസ്ഥ കൊണ്ടാകും എന്നാണ് ആദ്യം കരുതിയിരുന്നത്. എന്നാൽ, അങ്ങനെയല്ല. ഒരുപാട് സ്ഥലത്ത് അവൾ ആക്റ്റിവാണ്. ഒരു കൺസിഡറേഷൻ എനിക്ക് തരാമായിരുന്നു. ഡിംപൽ നാട്ടിലെത്തി എന്ന് എനിക്ക് വിവരം ലഭിച്ചിരുന്നു. നാട്ടിലും അവർക്കെന്തൊക്കെയോ ചടങ്ങുകൾ ഉണ്ട്. അവര് അത്യാവശ്യം ഓക്കെയാണ്. സോഷ്യല്‍ മീഡിയയില്‍ ഫോട്ടോസും വീഡിയോയും സ്റ്റാറ്റസുമൊക്കെ കാണുന്നുണ്ട്. അതിനിടയില്‍ ഇങ്ങനെ പെരുമാറുമ്പോള്‍ വല്ലാതെ സങ്കടമുണ്ട്. ഷോയിൽ നിന്നു൦ പുറത്തിറങ്ങി ആദ്യ൦ പോയത് ഡിംപലിന്റെ വീട്ടിലേക്കാണ് എന്നും ബാനു പറയുന്നു.

കോഴിക്കോടേക്കാണ്‌ ആദ്യം ടിക്കറ്റ് കിട്ടിയത്. അത് ഞാൻ കൊച്ചിയിലേക്ക് മാറ്റി. ഡിംപലിന്റെ വീട്ടിൽ പോകണം. ചേച്ചിയെ കണ്ട് അവളുടെ വിശേഷങ്ങൾ പറയണം.അവളുടെ വീട്ടിൽ രണ്ട് ദിവസം നിന്നിട്ടേ പോകൂ എന്നൊക്കെ കരുതി അങ്ങോട്ടാണ് ആദ്യ൦ പോയത്. ഇത്രയും ദിവസം മാറി നിന്നിട്ട് ആദ്യം ഞാന്‍ പോയത് അവരുടെ വീട്ടിലേക്കായിരുന്നു. ഇതൊക്കെ പറഞ്ഞു കൂട്ടത്തിലുള്ള ആളുകളൊക്കെ കളിയാക്കിത്തുടങ്ങി. നിനക്കറിയാഞ്ഞിട്ടാണ് സൗഹൃദമൊക്കെ ചിലര്‍ക്ക് ഗെയിം സ്ട്രാറ്റജിയാണ്, അതൊക്കെ കേള്‍ക്കുമ്പോള്‍ എന്തോ സങ്കടം തോന്നു൦ എന്നുമാണ് വോയിസ് ക്ലിപ്പിൽ ബാനു പറയുന്നത്. ഇതിന് പിന്നാലെ ഇന്‍സ്റ്റഗ്രാമില്‍ ഡിംപലിനെയും സഹോദരിയെയും അണ്‍ഫോളോ ചെയ്തിരിക്കുകയാണ് മജ്‌സിയ.

മലയാള ചലച്ചിത്ര മേഖലയിലും ഇൻസ്റ്റഗ്രാമിലും യൂട്യുബിലും എല്ലാം സജീവമായ ഒരു താരകുടുംബമാണ് നടനും രാഷ്ട്രീയ പ്രവർത്തകനുമായ നടൻ കൃഷ്‌ണകുമാറിന്റേത്. കുടുംബത്തിലെയും സിനിമയിലെയും എല്ലാ വിശേഷങ്ങളും ഈ താരകുടുംബം സോഷ്യൽ മീഡിയയിലൂടെ പങ്കുവയ്ക്കാറുണ്ട്. ട്യൂബിലും ഇൻസ്റ്റഗ്രാമിലും അപ്‌ലോഡ് ചെയ്യുന്ന ഇവരുടെ ചിത്രങ്ങളും വിഡിയോകളും നിമിഷനേരം കൊണ്ടാണ് ശ്രദ്ധ നേടുന്നത്. കുടുംബത്തിലെ ആറുപേർക്കും സ്വന്തമായി യൂട്യൂബ് ചാനലുകളുമുണ്ട്. അടുത്തിടെ ആറുപേർക്കും യൂട്യൂബിന്റെ സിൽവർ പ്ലേ ബട്ടണും ലഭിച്ചിരുന്നു.

അച്ഛനായ കൃഷ്‌ണകുമാറിന് പിന്നാലെ അഹാന, ഇഷാനി, ഹൻസിക എന്നിവർ അഭിനയരംഗത്തേക്ക് എത്തിയെങ്കിലും രണ്ടാമത്തെ മകൾ ദിയ യുട്യൂബ് വീഡിയോകളിലൂടെ തന്റെ സ്ഥാനം നേടിയെടുക്കുകയായിരുന്നു. ഇപ്പോഴിതാ, തങ്ങളുടെ വീട്ടിലുണ്ടായ രസകരമായ ഒരു സംഭവം ആരാധകരുമായി പങ്കുവച്ചിരിക്കുകയാണ് അഹാന. ദിയ ഓൺലൈനിൽ ഓർഡർ ചെയ്‌ത്‌ വീട്ടിലെത്തിയ പാഴ്സൽ കണ്ട് ഞെട്ടിയ കഥയാണ് അഹാന പങ്കുവച്ചിരിക്കുന്നത്. ഉള്ളിൽ എന്താകും എന്നറിയാനുള്ള ആകാംഷയോടെയാണ് താൻ പാക്കറ്റ് തുറന്നത് എന്നാണ് അഹാന പറയുന്നത്.

ആകാംഷയോടെ പാക്കറ്റ് തുറന്നപ്പോൾ കണ്ടത് ഒരു കൂടു നിറയെ പല്ലികളെയാണ് എന്ന് പറയുകയാണ് അഹാന. ജീവനുള്ളവയോ ചത്ത പല്ലിയോ അല്ല കേട്ടോ പായ്ക്കറ്റിനുള്ളിൽ. പല്ലിയുടെ രൂപത്തിലുള്ള പെൻസിലോ ഇറെസറോ ആണ് അതെന്നാണ് കാണുമ്പൊൾ തോന്നുന്നത്. എന്താണെങ്കിലും അഹാനയുടെ ഈ സ്റ്റോറി വൈറലായി മാറി.

‘ഞാൻ സ്റ്റീവ് ലോപസ്’ എന്ന ചിത്രത്തിലൂടെയായിരുന്നു അഹാനയുടെ സിനിമാ അരങ്ങേറ്റം. ലൂക്ക എന്ന ചിത്രത്തിലെ അഹാനയുടെ പ്രകടനം ഏറെ ശ്രദ്ധിക്കപ്പെട്ടിരുന്നു. ഞണ്ടുകളുടെ നാട്ടിൽ ഒരിടവേള, പതിനെട്ടാം പടി തുടങ്ങിയവയാണ് അഹാന അഭിനയിച്ച മറ്റ് ചിത്രങ്ങൾ. നാൻസി റാണി, പിടികിട്ടാപുള്ളി, അടി തുടങ്ങിയവയാണ് ഇനി റിലീസ് ചെയ്യാനിരിക്കുന്ന അഹാനയുടെ ചിത്രങ്ങൾ. ‘ലൂക്ക’ എന്ന ചിത്രത്തിൽ അഹാനയുടെ ചെറുപ്പകാലം അഭിനയിച്ചായിരുന്നു ഹൻസികയുടെ സിനിമാ അരങ്ങേറ്റം.ഇവരുടെ അമ്മ സിന്ധു കൃഷ്‌ണയും പ്രേക്ഷകർക്ക് സുപരിചിതയാണ്. അഹാനയുടെ സിനിമാ പ്രവേശത്തിന് ശേഷമാണ് മറ്റ് മൂവരും ശ്രദ്ധിക്കപ്പെട്ടത്.

രാഷ്ട്രീയ പശ്ചാത്തലത്തിൽ മമ്മൂട്ടിയെ നായകനാക്കി സന്തോഷ് വിശ്വനാഥ്‌ സംവിധാനം ചെയ്‌ത ‘വൺ’ എന്ന ചിത്രത്തിലൂടെയായിരുന്നു ഇഷാനിയുടെ അരങ്ങേറ്റം. ചെറിയ കഥാപാത്രങ്ങൾക്ക് പോലും വലിയ പ്രാധാന്യം നൽകി ഒരുക്കിയിരിക്കുന്ന ചിത്രത്തിൽ ശ്രദ്ധേയമായ ഒരു കഥാപാത്രത്തെയാണ് ഇഷാനി അവതരിപ്പിച്ചത്. മുൻപ്, തന്റെ സഹോദരിമാരെ കുറിച്ചും സിനിമയുടെ വിശേഷങ്ങളെ കുറിച്ചുമൊക്കെയുള്ള വിശേഷങ്ങൾ ഇഷാനി പങ്കുവച്ചിരുന്നു. ‘പുറമെ സന്തുഷ്‌ട കുടുംബമായി തോന്നുമെങ്കിലും ഞങ്ങളെപ്പോഴും അടിയും പിടിയുമാണ്.’ എന്നായിരുന്നു ഇഷാനി പറഞ്ഞത്.

ലേബൽ എം ഡിസൈനേഴ്സിനു വേണ്ടി ഇവർ നടത്തിയ ക്രിസ്ത്യൻ ബ്രൈഡൽ ഫോട്ടോഷൂട്ട് ചിത്രങ്ങൾ അടുത്തിടെ സമൂഹ മാധ്യമങ്ങൾ കീഴടക്കിയിരുന്നു. കൃഷ്‌ണകുമാറിന്റെ ഭാര്യ സിന്ധുവും ഫോട്ടോഷൂട്ടിന്റെ ഭാഗമായിരുന്നു. ലോക്ക് ഡൗൺ കാലത്ത് പ്രേക്ഷകരുടെ ഇടയിൽ ശ്രദ്ധിക്കപ്പെട്ട ഒരാളാണ് ദിയ. ടിക് ടോക്കിലൂടെയായിരുന്നു താരപുത്രിയുടെ എൻട്രി. പിന്നീട് യൂട്യൂബ് ചാനലിലൂടേയും ഇൻഫ്ലുവൻസർ മാർക്കറ്റിങ്ങിലൂടേയും ദിയ ആരാധകരെ സൃഷ്ടിക്കുകയായിരുന്നു. ചുരുക്കം പറഞ്ഞാൽ ‘നടൻ കൃഷ്ണകുമാറിന്റെ മകൾ’ എന്ന ലേബലിൽ നിന്നും യൂട്യൂബർ, ഇൻഫ്ലുവൻസർ തുടങ്ങി വിവിധ മേഖലകളിൽ മേൽവിലാസം കണ്ടെത്താൻ ദിയയ്ക്ക് കഴിഞ്ഞു.