തമിഴകത്തിന്റെ പ്രിയപ്പെട്ട താരങ്ങളാണ് കാര്‍ത്തിയും സൂര്യയും. കോളിവുഡില്‍ സഹോദരങ്ങളായ നിരവധി താരങ്ങളുണ്ട് , പക്ഷേ സൂര്യയേയും കാര്‍ത്തിയേയും ഒരുപോലെയാണ് തമിഴ് പ്രേക്ഷകര്‍ സ്വീകരിക്കാറുള്ളത്. താരങ്ങളുടെ പുറത്തിറങ്ങിയ ചിത്രങ്ങളെല്ലാം കോളിവുഡില്‍ ഹിറ്റുകള്‍ സമ്മാനിച്ചതാണ്. ഇപ്പോഴിതാ താര കുടുംബത്തില്‍ നിന്ന് ഒരു സന്തോഷ വാര്‍ത്ത പുറത്തു വരികയാണ്. കാര്‍ത്തി വീണ്ടും അച്ഛനായി എന്നതാണ് സന്തോഷ വാര്‍ത്ത.

താരത്തിന് ഒരു മകള്‍ കൂടിയുണ്ട്. ഇപ്പോഴിതാ ഒരു മകന്‍ കൂടി ജനിച്ചിരിക്കുകയാണ്. സോഷ്യല്‍ മീഡിയയിലൂടെ കാര്‍ത്തിയേയും സൂര്യയേയും സ്‌നേഹിക്കുന്ന നിരവധി പേരാണ് ആശംസകളുമായി എത്തിയിരിക്കുന്നത്. 2011 ലായിരുന്നു കാര്‍ത്തിയുടെ വിവാഹം താര നിബിഡമായി ആഘോഷിച്ചത്. കോയമ്പത്തൂര്‍ ഈറോഡ് സ്വദേശിയായ രഞ്ജിനിയാണ് താരത്തിന്റെ ഭാര്യ. 2013ലാണ് ഇവര്‍ക്ക് ഒരു പെണ്‍കുഞ്ഞ് ജനിച്ചത്. മകള്‍ ഉണ്ടായ വാര്‍ത്തയും ഏറെ ശ്രദ്ധ നേടിയിരുന്നു. ഇപ്പോഴിതാ വീണ്ടും അച്ഛനായ സന്തോഷവും ആരാധകര്‍ സന്തോഷത്തോടു കൂടിയാണ് സ്വീകരിക്കുന്നത്.

സോഷ്യല്‍ മീഡിയയിലൂടെ കാര്‍ത്തി തന്നെയാണ് സന്തോഷ വാര്‍ത്ത പങ്കുവച്ചത്. ഒരു സന്തോഷം നിറഞ്ഞ കുറിപ്പിലൂടെയാണ് ഈ വാര്‍ത്ത പങ്കുവെച്ചത്.
സുഹൃത്തുക്കളെ ഇന്ന് എനിക്കൊരു ആണ്‍ കുഞ്ഞു പിറന്നു. ഡോക്ടര്‍മാര്‍ക്കും നേഴ്സുമാര്‍ക്കും എത്ര നന്ദി പറഞ്ഞാലും ഈ സന്ദര്‍ഭത്തില്‍ മതിയാകില്ല, നിങ്ങളുടെ എല്ലാവരുടെയും സ്‌നേഹവും പ്രാര്‍ത്ഥനയും എന്റെ കുടുംബത്തിന് വേണം’- കാര്‍ത്തി സന്തോഷ വാര്‍ത്ത പങ്കുവച്ചു കൊണ്ട് സോഷ്യല്‍ മീഡിയയില്‍ കുറിച്ചു.

ദൈവത്തിന് നന്ദി പറഞ്ഞു കൊണ്ടാണ് കാര്‍ത്തി സന്തോഷ വാര്‍ത്ത പങ്കിട്ടത്. സൂര്യയും കാര്‍ത്തിയുടെ ട്വീറ്റ് ഷെയര്‍ ചെയ്തിട്ടുണ്ട്. സോഷ്യല്‍ മീഡിയയിലെ കാര്‍ത്തിയുടെ പോസ്റ്റിന് താഴെ സെലിബ്രിറ്റികള്‍ അടക്കം ആശംസകളുമായി എത്തിയിട്ടുണ്ട്. ആശംസകള്‍ക്ക് നന്ദിയും അറിയിച്ചിട്ടുണ്ട്. താരത്തിന്റെ ഭാര്യ സിനിമ മേഖലയുമായി ബന്ധം ഉള്ള ആളല്ല. എന്നാല്‍ സഹോദരന്‍ സൂര്യ വിവാഹം ചെയ്തിരിക്കുന്നത് തെന്നിന്ത്യയുടെ പ്രിയപ്പെട്ട നടി ജ്യോതികയെയാണ്. താരങ്ങള്‍ക്ക് ഒരു മകനും മകളും ആണ് ഉള്ളത്.

കുടുംബത്തിലെ എല്ലാ വിശേഷങ്ങളും പ്രേക്ഷകര്‍ ഏറ്റെടുക്കാറുണ്ട്. കാര്‍ത്തിയുടെ മകളുടേ പേര് ഉമയാള്‍ എന്നാണ്. മകളുടെ വിശേഷങ്ങളും സന്തോഷ നിമിഷങ്ങളും കാര്‍ത്തി സോഷ്യല്‍ മീഡിയയില്‍ പങ്കുവയ്ക്കാറുണ്ട്. മകന്റെ പേര് എന്തായിരിക്കും എന്നും ആരാധകര്‍ ആകാഷയിലാണ്. കുഞ്ഞിന്റെ ചിത്രം കാണാനുള്ള കാത്തിരിപ്പിലാണ് കാര്‍ത്തി ഫാന്‍സ് ഇപ്പോള്‍.

നടന്‍ ശിവകുമാര്‍ അണ് കാര്‍ത്തിയുടേയും സൂര്യയുടേയും പിതാവ്,2007-ല്‍ മികച്ച വിജയം നേടിയ തമിഴ് ചിത്രം പരുത്തിവീരന്‍ എന്ന സിനമയിലുടെയാണ് കാര്‍ത്തി സിനിമ രംഗത്തേക്ക് അരങ്ങേറ്റം കുറിച്ചത്. ഈ ചിത്രത്തിലെ മികച്ച അഭിനയത്തിനു അദ്ദേഹത്തിന് ഫിലിംഫെയര്‍ തുടങ്ങിയ പല അംഗീകാരങ്ങളും ലഭിച്ചിരുന്നു.

ആയിരത്തില്‍ ഒരുവന്‍, പൈയ്യ, നാന്‍ മഹാന്‍ അല്ല, സിരുതെയ് എന്നി ചിത്രങ്ങളിലുടേ തമിഴകത്തിലെ നായക പദവിയിലേക്ക് ഉയര്‍ന്നു.തുടര്‍ച്ചയായ അഞ്ചു ചിത്രങ്ങള്‍ വന്‍ ഹിറ്റ് ആയെങ്കിലും പിന്നീട് വന്ന മൂന്നു ചിത്രങ്ങള്‍ വന്‍ പരാജയം ആയിരുന്നു. വീണ്ടും താരം കോളിവുഡില്‍ പിടിച്ചു കയറി.

അന്യ ഭാഷ നടന്മാരില്‍ മലയാളത്തില്‍ ഏറ്റവും ആരാധക പിന്‍ ബലമുള്ള നടന്‍ ഏതാണെന്ന് ചോദിച്ചാല്‍ 80% ആളുകള്‍ വിജയുടെ പേര് ആയിരിക്കും പറയുക.ആരാധകര്‍ താരത്തെ ഏറെ സ്‌നേഹത്തോടെ വിളിക്കുന്നത് ഇളയ ദളപതി എന്നാണ്. കോളിവുഡിലെ പോലെ തന്നെ താരത്തിന്റെ സിനിമകള്‍ കേരളത്തിലും വന്‍ റിലീസ് ആയിട്ടാണ് എത്താറുള്ളത്. കോളിവുഡിലേ പോലെ തന്നെ താരത്തിന് ഇതര ഭാഷകളിലും നിരവധി ആരാധകരുണ്ട്. അടുത്തിടെ ഗ്രീന്‍ ഇന്ത്യ ചലഞ്ചിന്റെ ഭാഗമായി വിജയ് പങ്കുവെച്ച ചിത്രങ്ങള്‍ സോഷ്യല്‍ മീഡിയയില്‍ ശ്രദ്ധേയമായിരുന്നു.

ആരാധകര്‍ക്ക് ആഘോഷിക്കാന്‍ വിജയ് ക്കുറിച്ച് സന്തോഷകരമായ ഒരു കാര്യം കൂടി വന്നിരിക്കുകയാണ്.
വിജയിയുടെ വിവാഹ വാര്‍ഷികമാണ് അത്. സോഷ്യല്‍ മീഡിയയിലൂടെ താരത്തിന്റെ സന്തോഷ നിമിഷങ്ങള്‍ ആരാധകര്‍ ആഘോഷിക്കാറുണ്ട്. സിനിമയില്‍ വന്ന സമയത്ത് തന്നെ ആരാധിച്ചിരുന്ന ഒരു പെണ്‍കുട്ടിയെ ജീവിതത്തിലേക്ക് ക്ഷണിച്ച സൂപ്പര്‍ നായകനാകുകയായിരുന്നു വിജയ്. താരത്തിന്റെ സന്തോഷ ദിനത്തില്‍ യഥാര്‍ഥ പ്രണയ കഥ കൂടി സോഷ്യല്‍ മീഡിയയിലൂടെ പുറത്ത് വരികയാണ്.

1999 ഓഗസറ്റ് 25 നായിരുന്നു വിജയ് വിവാഹിതനായത്. സംഗീത സോമലിംഗമാണ് താരത്തിന്റെ ജീവിത സഖി. ഇരുവരുടേയും 21 ാം വിവാഹ വാര്‍ഷികമാണ് ഇപ്പോള്‍ ആഘോഷിക്കുന്നത്. താരത്തിന് ഒരു മകനും മകളുമുണ്ട്. 2000 ല്‍ ലണ്ടനില്‍ വച്ചാണ് മകന്‍ ജാസന്‍ സഞ്ജയ് ജനിക്കുന്നത്, താരത്തിന്റെ മകള്‍ ദിവ്യ സാക്ഷ 2005 ല്‍ ചെന്നൈയിലും ജനിച്ചു. മകന്‍ സിനിമയില്‍ അതിഥി വേഷത്തിലെത്തിയെങ്കിലും പിന്നീട് വിദ്യാഭ്യാസവുമായി മുന്നോട്ട് പോകുകയാണ്. തമിഴ് സിനിമ മേഖലയില്‍ ഇരവരേ ക്കുറിച്ച് യൊതുരു വിധ ഗോസിപ്പുകളും ഉണ്ടായിട്ടില്ല. പക്ഷെ ഇരുവരുടെ പ്രണയവും വിവാഹവുമെല്ലാം ആരാധകര്‍ ഏറെ തവണ ആഘോഷിച്ചിട്ടുള്ളതാണ്. ശ്രീലങ്കന്‍ സ്വദേശിനിയാണ് സംഗീത. വിജയിയുടെ കടുത്തൊരു ആരാധിക ആയിരുന്നു, ഇരുവരും 1996 ലാണ് കണ്ടുമുട്ടുന്നത്. സിനിമ മേഖലയില്‍ ആരാധികമാരെ വിവാഹം കഴിച്ച ചുരുക്കം ചില നടന്‍മാരില്‍ ഒരാളാണ് വിജയ്.

ഈ ലോക്ഡൗണ്‍ കാലത്ത് കൊറോണ വൈറസ് പ്രതിരോധ പ്രവര്‍ത്തനങ്ങള്‍ക്ക് 1.3 കോടി രൂപ സംഭാവനയായി നല്‍കിയും താരം വാര്‍ത്തകളില്‍ ഇടം നേടിയിരുന്നു.തമിഴ് സിനിമയിലെ ദിവസ വേതനക്കാരെ സഹായിക്കാന്‍ അദ്ദേഹം ഫിലിം എംേബ്ലായീസ് ഫെഡറേഷന്‍ ഓഫ് സൗത്ത് ഇന്ത്യയുടെ സഹായ നിധിയിലേക്ക് 25 ലക്ഷവും നല്‍കിയിരുന്നു. മാത്രമല്ല അദ്ദേഹത്തിന്റെ ഫാന്‍സ് ക്ലബ്ബുകളും നിരവധി സഹായങ്ങള്‍ സംസ്ഥാനത്ത് ചെയ്തിരുന്നു. കഴിഞ്ഞ ദിവസം താരം ഐസൊലേഷനില്‍ കഴിയുന്ന സഹ താരം സഞ്ജീവിന് ഭക്ഷണം എത്തിച്ച് ആരാധകരെ അമ്പരപ്പിച്ചിരുന്നു. സ്വയം ഫ്‌ലാറ്റില്‍ ഐസൊലേഷനില്‍ പോകുകയും ഭാര്യയോട് മക്കളെ കൂട്ടി സ്വന്തം വീട്ടില്‍ പോയി നില്‍ക്കാന്‍ പറയുകയും ചെയ്തതോടെ താരം ഭക്ഷണത്തിന് ബുദ്ധിമുട്ടി. ഈ സമയത്താണ് വിജയ് വിളിച്ച് കാര്യങ്ങള്‍ തിരക്കിയത്. തുടര്‍ന്ന് അദ്ദേഹം ഭക്ഷണം എത്തിച്ചു കൊടുക്കുകയായിരുന്നു.

സ്‌കൂള്‍ കാലത്തിന്റെ പ്രണയത്തിന്റെ കഥ പറഞ്ഞ് പ്രേക്ഷക ഹൃദയം കീഴടക്കിയ റോഷന്‍ ആന്‍ഡ്രൂസ് ചിത്രം ആിയിരുന്നു നോട്ട്ബുക്ക്. ചിത്രത്തിലെ നായകന്‍ സ്‌കന്ദ അശോക് ആയിരുന്നു. താരത്തിനെ മലയാളികള്‍ക്ക് അത്ര പെട്ടെന്ന് മറക്കാനാവില്ല. സ്‌കന്ദയുടെയും ഭാര്യ ശിഖയുടെയും ബേബി ഷവര്‍ ചിത്രങ്ങളാണ് ഇപ്പോള്‍ സോഷ്യല്‍മീഡിയയില്‍ ശ്രദ്ധ നേടുന്നത്. ബാംഗ്ലൂരിലാണ് ശിഖയുടെ ബേബി ഷവര്‍ ചടങ്ങുകള്‍ നടന്നത്. നിരവധി പേരാണ് താരത്തിന് ആശംസകള്‍ അറിയിച്ചിരിക്കുന്നത്. വിവാഹശേഷം താരം ശിഖയുമൊത്തുള്ള നിരവധി ചിത്രങ്ങള്‍ സോഷ്യല്‍മീഡിയയിലൂടെ പങ്കുവച്ചിട്ടുണ്ട്.

കന്നട താരമാ സ്‌കന്ദയെ മലയാളികള്‍ ഏറ്റെടുത്തത് നോട്ട്ബുക്ക് എന്ന ചിത്രത്തിലൂടെ ആയിരുന്നു.
നോട്ട്ബുക്ക് എന്ന ചിത്രത്തിലൂടെയാണ് സ്‌കന്ദ തന്റെ അഭിനയജീവിതത്തിലേക്ക് അരങ്ങേറ്റം കുറിക്കുന്നത്.
ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിച്ചത് പാര്‍വതി തിരുവോത്ത്, റോമ, സുരേഷ്‌ഗോപി, ദേവന്‍ എന്നിവരായിരുന്നു. ഊട്ടിയിലുള്ള ഒരു ബോര്‍ഡിങ്ങ് സ്‌കൂളില്‍ പഠിക്കുന്ന അഞ്ച് വിദ്യാര്‍ത്ഥികളുടെ കഥയായിരുന്നു ചിത്രത്തിന്റെ പ്രമേയം. വിവാഹത്തിനുമുന്‍പ് അമ്മയാകുന്ന ഒരു വിദ്യാര്‍ത്ഥിയെ ചുറ്റിപ്പറ്റിയാണ് സിനിമ മുന്നോട്ട് പോകുന്നത്. മികവുറ്റ തിരക്കഥ ആണെങ്കിലും ചിത്രം ബോക്‌സ് ഓഫീസില്‍ അത്രയ്ക്ക് വിജയം കണ്ടില്ല.

നോട്ട്ബുക്ക് എന്ന ചിത്രത്തിന് ശേം പിന്നീട് വികെ പ്രകാശ് ചിത്രം ‘പോസിറ്റീവ്’, ശ്യാമപ്രസാദ് ചിത്രം ‘ഇലക്ട്ര’ എന്നിവയിലും സ്‌കന്ദ മികച്ച വേഷം കൈകാര്യം ചെയ്തിരുന്നു. മലയാളത്തില്‍ മാത്രമല്ല തമിഴ്, തെലുങ്ക്, കന്നട ഭാഷാ ചിത്രങ്ങളിലും സ്‌കന്ദ ഒരു പിടി നല്ല ചിത്രങ്ങളില്‍ അഭിനയിച്ചിട്ടുണ്ട്. സ്‌കന്ദ അഭിനയിച്ച മല്ലി മല്ലി, കല്യാണി, ചാരുലത, യു ടേണ്‍ എന്നീ സിനിമകളും ഏറെ പ്രേക്ഷക ശ്രദ്ദ നേടിയിരുന്നു. 2017ല്‍ താരം സീരിയല്‍ അഭിനയ രംഗത്തേക്ക് തിരിയുകയായിരുന്നു. താരത്തിന്റെ ‘രാധാ രമണ’ എന്ന സീരിയല്‍ മിനി സ്‌ക്രീന്‍ പ്രേക്ഷകര്‍ക്കിടയില്‍ ഏറെ ശ്രദ്ധിക്കപ്പെട്ടിരുന്നു.