മികച്ച രീതിയിൽ തനിക്കെതിരായ ട്രോളുകൾ രസിക്കാനും വേണ്ടി വന്നാൽ അതിന് മറുപടി നൽകാനും മടിക്കാത്ത ഒരു ചലച്ചിത്ര താരമാണ് അഭിഷേക് ബച്ചൻ. അങ്ങനെ ഒരു ട്രോളിന്‌ അഭിഷേക് ബച്ചൻ നൽകിയ ഒരു മറുപടിയാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്.

“അർഹതയില്ലാത്ത സുന്ദരിയായ ഭാര്യ” ഉള്ള “ഒന്നിനും കൊള്ളാത്ത” നടൻ എന്ന് അഭിസംബോധന ചെയ്‌ത ട്രോളിനാണ് താരം മറുപടി നൽകിയിരിക്കുന്നത്. വളരെ രൂക്ഷമായ ഭാഷയിലാണ് താരം ട്രോളിനു മറുപടി നൽകിയിരിക്കുന്നത്.

തന്റെ പുതിയ ചിത്രമായ ദി ബിഗ് ബുളിന്റെ റിലീസിനായി കാത്തിരിപ്പിലാണ് അഭിഷേക് ബച്ചൻ. ഈ ചിത്രത്തിന്റെ ട്രെയിലർ അഭിഷേക് ബച്ചൻ തന്റെ സോഷ്യൽ മീഡിയ അക്കൗണ്ടിൽ പങ്കുവച്ചിരുന്നു. അഭിഷേക് ബച്ചന്റെ ഈ പോസ്റ്റിനു താഴെയാണ് ഒരാൾ മോശമായ കമന്റ് പോസ്റ്റ് ചെയ്‌തത്‌. “നിങ്ങൾ ഒന്നിനും കൊള്ളാത്ത ആളാണ്… വളരെ സുന്ദരിയായ ഒരു ഭാര്യയെ ലഭിച്ചു എന്നതാണ് നിങ്ങളിൽ അസൂയ തോന്നാനുള്ള ഒരേയൊരു കാരണം.’ എന്നായിരുന്നു കമന്റ്.

‘ശരി, താങ്കളുടെ അഭിപ്രായത്തിന് നന്ദി. അറിയാനുള്ള ആകാംക്ഷകൊണ്ട് ചോദിക്കുകയാണ്. ഇക്കാര്യം നിരവധി പേരെ ടാഗ് ചെയ്തിട്ടുള്ളതിനാൽ നിങ്ങൾ ആരെയാണ് ഉദ്ദേശിച്ചതെന്ന് മനസ്സിലായില്ല. ഇലിയാനയും നിക്കിയും വിവാഹിതരല്ലെന്ന് എനിക്കറിയാം. ബാക്കിയുള്ളവർ അവരുടെതായ ജീവിതവുമായി സമാധാനത്തോടെ ജീവിക്കുകയാണ്. ഇനി ഡിസ്നിയുടെയും ഹോട്ട്സ്റ്റാറിന്റെയും വിവാഹ ബന്ധത്തെ കുറിച്ചും നിങ്ങൾക്കറിയുമായിരിക്കും.’ -എന്നാണ് ഇതിനു മറുപടിയായി അഭിഷേക് കമന്റ് ചെയ്‌തു.

പരിഹാസത്തോടെയുള്ള അഭിഷേകിന്റെ ഈ കമന്റ് വൈറലായതോടെ കമന്റ് ചെയ്തയാൾ അത് ഡിലീറ്റ് ചെയ്തു. ഗംഭീരം എന്നായിരുന്നു അഭിഷേകിന്റെ മറുപടിയെ ആരാധകർ പ്രശംസിച്ചത്. 2007ലാണ് ലോക സുന്ദരി പട്ടം കരസ്ഥമാക്കിയ ഐശ്വര്യ റായിയെ അഭിഷേക് ബച്ചൻ വിവാഹം ചെയുന്നത്. ആരാധ്യ എന്ന ഒരു മകളും ഇവർക്കുണ്ട്.

മാർക്കറ്റ് മാനിപുലേറ്റർ ഹർഷദ് മേത്തയുടെയും 1992 ലെ സ്റ്റോക്ക് മാർക്കറ്റ് അഴിമതിയുടെയും കഥ പറയുന്ന ചിത്രമാണ് ബിഗ് ബുൾ. കുക്കി ഗുലാത്തി സംവിധാനം ചെയ്യുന്ന ചിത്രം നിർമ്മിക്കുന്നത് അജയ് ദേവ്‌ഗണാണ്. ഏപ്രിൽ എട്ടിന് റിലീസ് ചെയ്യുന്ന ചിത്രത്തിൽ അഭിഷേക് ബച്ചൻ പ്രധാന കഥാപാത്രത്തെ അവതരിപ്പിക്കുന്നു. ഇലിയാന ഡി ക്രൂസ്, സോഹം ഷാ, നികിത ദത്ത, രാം കപൂർ, മഹേഷ് മഞ്ജരേക്കർ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.

ബോളിവുഡ് സിനിമാ പ്രേമികളുടെ ഏറെ പ്രിയപ്പെട്ട താരജോഡികളാണ് അഭിഷേക് ബച്ചനും ഐശ്വര്യ റായിയും. സിനിമയിൽ ഇതുവരെ അരങ്ങേറ്റം കുറിച്ചിട്ടില്ലെങ്കിലും ഇവരുടെ മകൾ ആരാധ്യയും സോഷ്യൽ മീഡിയ താരമാണ്. കുടുംബത്തോടൊപ്പമുള്ള ചിത്രങ്ങളും വിഡിയോകളും ഇരുവരും സമൂഹമാധ്യമങ്ങളിലൂടെ ആരാധകരുമായി പങ്കുവയ്ക്കാറുണ്ട്.

മലയാള സിനിമാ ലോകത്തേക്ക് അരങ്ങേറ്റം കുറിക്കാനൊരുങ്ങി മറ്റൊരു താരപുത്രി കൂടി. മിമിക്രി രംഗത്ത് നിന്നും സിനിമയിലെത്തിയ കലാഭവൻ നവാസിന്‍റെയും ഭാര്യയും നടിയുമായ രഹ്നയുടേയും മകള്‍ നഹറിൻ നവാസ് നായികയായി എത്തുന്നു. ‘കൺഫെഷൻസ് ഓഫ് എ കുക്കൂ’ എന്നാണ് ചിത്രത്തിന്റെ പേര്. ചിത്രം ജനുവരി 8ന് പ്രൈം റീൽസ് ഒടിടി പ്ലാറ്റ്‍ഫോമിലൂടെയാണ് റിലീസിന് തയ്യാറെടുക്കുന്നത്. ജയ് ജിഥിന്‍ പ്രകാശ് ആണ് ചിത്രം സംവിധാനം ചെയ്യുന്നത്. 

‘നസീമ’ എന്ന പ്രധാന കഥാപാത്രമായാണ് നഹറിൻ അഭിനയിക്കുന്നത്. ഒരു അനാഥാലയത്തിൽ കഴിയുന്ന കൗമാരപ്രായത്തിലുള്ള രണ്ട് പെണ്‍കുട്ടികളുടെ ജീവിതം പ്രമേയമാക്കിയുള്ളതാണ് സിനിമ. നടി ദുർഗകൃഷ്ണയാണ് കണ്‍ഫഷന്‍സ് ഓഫ് എ കുക്കൂ എന്ന സിനിമയിലെ മറ്റൊരു നായിക. ജേർണലിസ്റ്റും ഡോക്യുമെന്ററി സംവിധായകയുമായാണ് ദുർഗ വേഷമിടുന്നത്.

ചിത്രത്തിന്‍റെ കഥയൊരുക്കിയിരിക്കുന്നത് ദിനേശ് നീലകണ്ഠനാണ്. ആന്റണി ജോ, രാജ്കുമാര്‍ എന്നിവര്‍ ഛായാഗ്രഹണവും ടിനു കെ. തോമസ് എഡിറ്റിംഗും നിര്‍വ്വഹിക്കുന്നു. ട്വന്റി ത്രീ ഫീറ്റ് എന്റര്‍ടൈന്‍മെന്റ്‌സിന്റെ ബാനറില്‍ അര്‍ജുന്‍ രവിന്ദ്രന്‍ ആണ് നിര്‍മ്മാണം. മകൾ സിനിമയിലേക്ക് അരങ്ങേറുന്ന വിവരം നവാസ് തന്നെയാണ് സോഷ്യൽ മീഡിയയിലൂടെ പങ്കു വച്ചത്. “പ്രിയരേ, ഞങ്ങളുട മകൾ നഹറിൻ “നസീമ”എന്ന പ്രധാന കഥാപാത്രമായി എത്തുന്ന കണ്‍ഫഷന്‍സ് ഓഫ് എ കുക്കൂ എന്ന സിനിമ പ്രൈം റീൽസ് ഒടിടി പ്ലാറ്റ്ഫോമിലൂടെ ജനുവരി 8ന് റിലീസ് ചെയ്യുകയാണ്. കൂടെയുണ്ടാവണം” അദ്ദേഹം ഫേസ്ബുക്കിൽ കുറിച്ചു.

ഈ കൊല്ലം ജനുവരി മുതല്‍ മലയാള സിനിമകള്‍ക്ക് മാത്രമായി എത്തിയ ഓ ടി ടി പ്ലാറ്റ് ഫോം ആണ് പ്രൈം റീല്‍സ്. എല്ലാ വെള്ളിയാഴ്ചയും ഒരു പുതിയ മലയാള ചിത്രം എന്ന അവകാശവാദവുമായി എത്തിയിരിക്കുന്ന ഓ ടി ടി പ്ലാറ്റ് ഫോം ആണ് പ്രൈം റീല്‍സ്. പ്രൊഫ. സതീഷ് പോള്‍ രചനയും സംവിധാനവും നിര്‍വ്വഹിച്ച്, സൈജു കുറുപ്പ്, മിയ ജോര്‍ജ് തുടങ്ങിയവര്‍ അഭിനയിച്ച ‘ഗാര്‍ഡിയന്‍’ എന്ന സിനിമ പ്രൈം റീല്‍സിലൂടെ ആദ്യം റിലീസ് ചെയ്ത സിനിമ.  

മലയാള സിനിമാ ലോകത്ത് ശ്രദ്ധേയ കഥാപാത്രങ്ങള്‍ അവതരിപ്പിച്ചിട്ടുള്ള അബൂബക്കര്‍ എന്ന നടന്‍റെ മകനാണ് നവാസ്. നവാസിന്‍റെ ഭാര്യ രഹ്നയും നടിയാണ്. ഇപ്പോൾ ആ അഭിനയ പാരമ്പര്യം അടുത്ത തലമുറയിലേക്ക് എത്തിയിരിക്കുകയാണ്. നിരവധി ചിത്രങ്ങളിൽ ഹാസ്യതാരമായും നായകനായും സഹനടനായും തിളങ്ങിയ വ്യക്തിയാണ് നവാസ്. സഹതാരമായിരുന്ന രഹ്നയുമായി 2002 ലായിരുന്നു നവാസിന്റെ പ്രണയ വിവാഹം. ഏഷ്യാനെറ്റിലെ ബഡായ് ബംഗ്ലാവ് പരിപാടിയിലെ അവതാരകനാണ് ഇപ്പോൾ നവാസ്. നവാസിന്‍റെ സഹോദരന്‍ ആയ നിയാസും മഴവില്‍ മനോരമ ടെലികാസ്റ്റ് ചെയ്യുന്ന മറിമായം എന്ന പരിപാടിയിലൂടെ ശ്രദ്ധേയനാണ്. മിനി സ്ക്രീനനില്‍ കൂടാതെ നിരവധി സിനിമകളിലും നിയാസ് അഭിനയിച്ചിട്ടുണ്ട്. 

ഇന്ത്യന്‍ ക്രിക്കറ്റ് ടീം നായകന്‍ വിരാട് കോഹ്ലിയും ബോളിവുഡ് താരം അനുഷ്‌ക ശര്‍മ്മയും ഇപ്പോള്‍ സന്തോഷത്തിന്റ നിറവിലാണ്. ഈ കൊറോണക്കാലത്ത് ജീവിതത്തില്‍ പുതിയ നിറം നല്‍കി കുഞ്ഞ് അതിഥി വരാന്‍ പോകുകയാണെന്നു താരങ്ങള്‍ സോഷ്യല്‍മീഡിയയിലൂടെ ആരാധകരെ അറിയിച്ചിരിക്കുകയാണ്. ബോളിവുഡിലെ സെസിബ്രിറ്റികള്‍ അടക്കം നിരവധി പേരാണ് സന്തോഷ വാര്‍ത്ത അറിഞ്ഞ് സോഷ്യല്‍മീഡിയയില്‍ ആശംസകള്‍ അറിയിച്ചിരിക്കുന്നത്. ഇരുവരുമുള്ള ചിത്രത്തിന് തങ്ങള്‍ മൂന്നു പേരാണ് ഇപ്പോള്‍ എന്നും വീരാട് കുറിച്ചിട്ടുണ്ട്. ചിത്രം ചുരുങ്ങിയ സമയംകൊണ്ടാണ് ആരാധകര്‍ ഏറ്റെടുത്തത്.

ഇരുവരും തമ്മിലുള്ള പ്രണയവും വിവാഹവുമെല്ലാം ആരാധകര്‍ ഏറെ ആഘോഷിച്ചതായിരുന്നു. താരങ്ങള്‍ സോഷ്യല്‍ മീഡിയയിലും മറ്റും പങ്കുവയ്ക്കുന്ന വീഡിയോകളും ചിത്രങ്ങളുമെല്ലാം പ്രേക്ഷകര്‍ ഏറ്റെടുക്കാറുണ്ട്. അടുത്തിടെയായിരുന്നു താരങ്ങള്‍ വേര്‍പിരിയുന്നു എന്ന വാര്‍ത്ത പുറത്ത് വന്നത്. ഇരുവരും പങ്കുവച്ച ചിത്രത്തിലെ വിരുഷ്‌ക ഡിവോഴ്‌സ് എന്ന ഹാഷ് ടാഗായിരുന്നു വിവാദത്തിന് കാരണം, സോഷ്യല്‍മീഡിയയില്‍ സന്തോഷനിമിഷങ്ങള്‍ പങ്കുവയ്ക്കാറുള്ള താരങ്ങളുടെ പോസ്റ്റ് ആരാധകര്‍ക്ക് അംഗീകരിക്കാനെ സാധിച്ചില്ല.

പിന്നീട് സത്യാവസ്ഥ തിരിച്ചറിയുകയായിരുന്നു. ഒരു പഴയ വാര്‍ത്തയാണ് ഈ പൊല്ലാപ്പിനെല്ലാം കാരണക്കാരന്‍. ഈ വിവാദങ്ങള്‍ ആളിപുകയുന്നതിനിടെയാണ് അനുഷ്‌ക അമ്മയാകുന്നു എന്ന വാര്‍ത്ത പുറത്ത് വിട്ടിരിക്കുന്നത്. അടുത്തിടെ വിരാട് കോഹ്ലിയോട് അനുഷ്‌കയെ ഡിവോഴ്‌സ് ചെയ്യണമെന്ന് ബിജെപി നേതാവ് ആവശ്യപ്പെട്ടതും വാര്‍ത്തകളില്‍ നിറഞ്ഞു നിന്നിരുന്നു. അനുഷ്‌ക നിര്‍മ്മിച്ച പാതാള്‍ ലോക് എന്ന സീരിസ് ബിജെപിയെ മോശമായി ചിത്രീകരിച്ചതാണ് ഈ വിവാദത്തിന് പിന്നിലെ കാരണം. അനുഷ്‌ക ശര്‍മ്മ വീരാട് കോഹ്ലി വിവാഹം 2017ല്‍ ആയിരുന്നു നടന്നത്. ബോളിവുഡിലെ ആഡംബര വിവാഹങ്ങളില്‍ ഒന്നായിരുന്നു ഇതും. താരങ്ങളുടെ ചിത്രങ്ങളും വീഡിയോകളുമെല്ലാം സോഷ്യല്‍ മീഡിയയില്‍ ശ്രദ്ധ നേടിയിരുന്നു. വിവാഹ ശേഷം താരങ്ങളെ പ്രേക്ഷകര്‍ വിളിക്കുന്നത് വിരുഷ്‌ക എന്നാണ്. താരങ്ങളുടെ ഇന്‍സ്റ്റഗ്രാം ഹാഷ്ടാഗുകളില്‍ വിരുഷ്‌ക നിറഞ്ഞു നിന്നിരുന്നു. വിവാഹം കഴിഞ്ഞ് മൂന്ന് വര്‍ഷത്തിന് ശേഷമാണ് ജീവിതത്തിലേക്ക് ആദ്യത്തെ കണ്‍മണി വരുന്നത്.

2021 ല്‍ തങ്ങള്‍ മുന്നു പേരാകും എന്ന വരികളില്‍ തന്നെ വീരാടിന്റെ സന്തോഷം കാണാന്‍ സാധിക്കും. അനുഷ്‌ക ബേബി ബംബുമായാണ് ചിത്രത്തിലുളളത്. ഇനിയങ്ങോട്ടുള്ള ആഘോഷങ്ങളാണ് പ്രേക്ഷകര്‍ അറെ ഉറ്റു നോക്കുന്നത്. ഏറെ കാലം സന്തോഷമായിരിക്കാനും പ്രേക്ഷകര്‍ ആശംസിക്കുന്നുണ്ട്. അടുത്തിടെ മലയാളത്തിന്റെ അവതാരിക പേര്‍ളി മാണിയും ഗര്‍ഭിണിയാണെന്നുള്ള വിവരം പങ്കു വച്ചിരുന്നു. ബോളിവുഡിന്റെ പ്രിയ താരം കരീന കപൂറും കുഞ്ഞിനായുള്ള കാത്തിരിപ്പിലാണ്. ഇന്ത്യന്‍ നായകന്‍ വിരാട് കോഹ്ലിയെ വിവാഹം ചെയ്യുമ്പോള്‍ നടി അനുഷ്‌ക ശര്‍മ്മ പ്രായം 29 ആയിരുന്നു. ബോളിവുഡില്‍ തിളങ്ങി നിന്നിരുന്ന സമയത്താണ് താരം വിരാടിനെ വിവാഹം ചെയ്തത്. ബോളിവുഡിലെ പല നടികളും ഈ സമയം വിവാഹിതയാകാന്‍ മടിക്കുമ്പോള്‍ ആണ് അനുഷ്‌ക വിവാഹിതയായത്.ഒരു നടിയെ സംബന്ധിച്ചിടത്തോളം 29 വയസ് എന്നത് ചെറുപ്പമാണ്. അതുകൊണ്ടാണ് വിവാഹം കഴിക്കാന്‍ തീരുമാനിച്ചതെന്നും നടി വിവാഹത്തിന് ശേഷം നല്‍കിയ അഭിമുഖത്തില്‍ പറഞ്ഞിരുന്നു.